Tema: Mektepke shekemgi pedagogikanin pán sipatinda qollaniwi Reje

obyekti— pútin mektepke shekemgi pedagogikaliq protsess.

Mektepke shekemgi pedagogika pániniń predmeti— mektepke shekemgi bilimlendiriw-tárbiya protsessi, mazmuni, nizamliqlari, forma, usilb hám qurallari.

Mektepke shekemgi pedagogika páni bala shaxsin qáliplestiriwdey sotsial buyurtpani atqariw tiykarinda jámiyet rawajlaniwin támiyinlewge ayriqsha úles qosadi. Mektepke shekemgi pedagogika maqseti hám waziypalariniń belgileniwinde sotsial múnásibetler mazmuni, mámleket hám jámiyet qurilisi, oniń turmisinda jetekshi orin tutiwshi ideyalar mazmuni zárúr áhmiyetke iye.

Ózbekstan Respublikasinda demokratikaliq, insanparwar hámde huquqiy jámiyetti quriw sharayatinda bul pán mektepke shekemgi jastaǵi balalardi hár tárepleme rawajlantiriw, olardi mektep bilimlendiriwine tayarlaw waziypasin nátiyjeli sheshedi. Bul protsesste tómendegi waziypalardi islewge itibar qaratiladi:

1. Hár tárepleme toliq rawajlanǵan bala shaxsin rawajlantiriwǵa baǵdarlantirilǵan pedagogikaliq protsesstiń mazmunin úyreniw.

2. Bala shaxsin hár tárepleme kamal taptiriw nizamliqlarin aniqlaw.

3. Sotsial rawajlaniw dárejesinen kelip shiqqan halda, rawajlanǵan shet el mámleketler mektepke shekemgi bilimlendiriw sistemasi tájriybesin úyreniw tiykarinda bilimlendiriw sistemasin rawajlantiriw.

4. Mektepke shekemgi bilimlendiriw mekemeleri hámde olarda xizmet alip barip atirǵan tárbiyashilar xizmeti mazmunin tiykarlaw.

5. Aldaǵi pedagogikaliq tájriybeni uliwmalastiriw hám ámeliyatqa engiziw.

6. Tárbiyashilardi mektepke shekemgi bilimlendiriw pedagogikasina tiyisli bilimler hámde bilimlendiriw-tárbiya usillari menen qurallandiriw.

7. Bilimlendiriw-tárbiya birligi hámde sotsial tárbiya baǵdarlari ortasindaǵi ózara baylanisliqti támiyinlewdiń pedagogikaliq shárt-sharayatlardi úyreniw.

8. Oqitiw hámde tárbiyalaw protsessiniń nátiyjeli texnologiyalarin jaratiw.

9. Shańaraq tárbiyasin nátiyjeli shólkemlestiriw boyinsha ata-analar ushin ilimiy-uslibliq usinislardi islep shiǵiw.

2. Bizge jaqsi belgili, hár bir pán óziniń tayanish túsinikleri, nizamliqlari, pritsipleri, qaǵiydalari sistemasina iye.

Mine usi jaǵday oniń pán sipatinda boliwin ańlatadi. Pánniń mazmunin aship beriwshi eń zárúr, tiykarǵi túsinik kategoriya dep ataladi. Mektepke shekemgi pedagogika pániniń tiykarǵi kategoriyalari mektepke shekem bilimlendiriw shólkemi tárbiyalanishisi shaxsi kamalatin támiyinlew, bilimlendiriw hám tárbiya nátiyjeliligine erisiwge qaratilǵan protsesslerdiń uliwma mazmuni bildiriledi. Eń zárúr kategoriyalarǵa tómendegiler kiredi: