Inson faoliyati iqtisodiyotining ratsionalligi. Ratsional cheklash va istiqbollik nazariyalari. Odamlarning tanlovi koʻpincha haqiqatdan koʻra koʻproq hissiyotlarga asoslanadi va koʻpchilik bir xil sharoitda butunlay qarama-qarshi qarorlar qabul qilishadi. Shunday qilib, o῾z ilmiy izlanishlari orqali Richard H. Thaler moliyaviy qarorlar qabul qilishda his tuygʻuning va hissiyotlarni toʻgʻridan toʻgʻri bogʻliqligini isbotlab berdi. Bundan tashqari Richard Thaler oʻz asaridagi istiqbol nazariyasida, an’anaviy nazariyadigi insonning xulq atvori bir vaqtning oʻzida ham me’yoriy, ham tavsiflovchi boʻlishi mumkin degan gʻoyadan uzoqlashishga intilgan. R. Thalerning insonlarning moliyaviy qarorlaridagi irratsionallikni xulq-atvor omillari orqali tushuntirishi va buning iqtisodiy qarorlarni qabul qilish jarayoniga ta’sirini keltirib o῾tishi hozirgi zamonda iqtisodiyotning har bir sohasida ahamiyatlidir. Uning nazariyalari va tadqiqotlari moliyaviy mustaqillikni ta’minlashda hamda iqtisodiy jarayonlarni chuqurroq tushunishda insonlar va jamiyat uchun zarur oʻrganish manbayi hisoblanadi.
Do'stlaringiz bilan baham: |
