Tema: Sawat ashıwda analitikalıq sintetikalıq seslik metod Jobası

Tema: Sawat ashıwda analitikalıq sintetikalıq seslik metod
Jobası :
Kirisiw
1. Sawat ashıw metodikasınıń maqseti hám wazıypaları
2. Sawat ashıw metodikasınıń ilimiy, psixologiyalıq hám lingvistikalıq tiykarları .
3. Sawat ashıwda analitikalıq sintetikalıq seslik metod
Juwmaqlaw
Paydalanılg’an a’debiyatlar

Kirisiw
Sawat úyretiw eń dáslebinde balalarǵa álipbeni oqıtıwdan baslanadı sol sebepli biz, baslawısh klaslarda qollanılatuǵın metodlardıń náteyjeligine qarap analizlewdi maqul kórdik.
Tiykarında álipbeni shártli túrde tórt basqıshqa bólip ótemiz. Bundaǵı tiykarǵı basshılıqqa alatuǵınımız - jeńilden awırǵa qaray degen princip. Sebebi, joqarıda atap ótkenimizdey, mektepke jańa kelgen balalardıń oqıw isine tanıs emesligi, oǵan kónligiwinıń , tájiriybesinıń joqlıǵı názerde tutıladı. Sonlıqtan, tayarlıq dáwirinde alǵan kónligiw tájiriybelerine súyene otırıp, sonıń dawamı sıpatında turaqlı túrde is alıp barıw ǵana jaqsı nátiyje beredi. Bul dáwirde tiykarınan birinshi maqsetimiz balalardı oqıw, jazıw, sóylewge úyretiw hám sol jumıslar ústinde jas balalardı tárbiyalaw wazıypası turadı.
Bul bılayınsha qaraǵanda ańsat is bolıp kóringeni menen, negizinde eń qıyın is retinde qarap, dáslepki hárip úyretiwden baslap balalardı sanalı meńgerip barıwına jaǵday tuwdırıw zárúr. Bul ushın dáslep aytılıwı menen esitiliwi arasında parıq joq dawıslı seslerden, keyin oǵan qosıp sóz dúziwge qolaylı dawıssız seslerden úyretiwdi baslaw názerde tutıladı. Bul dáwirde oqıtıwdıń tiykarǵı metodı - analiz-sintez bolıp esaplanadı. Balalardı oqıw jazıwǵa úyretiwde muǵallimnıń birden-bir quralı-álipbe. Usı arqalı ol balalardıń sawatın ashadı, oqıw-jazıwǵa úyretedi, oy-órisin, tilin, sózlik sapasın bayıtadı. Sonlıqtan da muǵallim «Álipbe» kitabınıń dúzilisin, onıń ilimiy tiykarların, álipbe menen islesiw jolların jaqsı biliwi shárt. «Álipbe» kitabındaǵı materiallar balalardı sanalı, erkin oqıw hám háriplerdi, sózlerdi, gáplerdi, qısqa tekstlerdi jazıw kónlikpelerin boldırıw menen birge oqıwshılardıń oy-órisin, tilin rawajlandırıw, olar menen bilim hám tárbiyalıq xarakterdegi gúrrińlesiwler júrgiziw maqsetinde baǵıt alınǵan.