Tema: Shan`araqliq o'mir texnologiyasi Reje

Jas a`wlad tárbiyasında shańaraq ma`nawiyatinin` ornı
Ózbekstan ǵárezsizliginiń dáslepki jıllarınan baslap mámlekette jaslardı hár tárepleme bárkámal etip tárbiyalaw boyınsha reformalar turmıstıń barlıq tarawları menen tıǵız baylanıslı halda ámelge asırılıp atır. .Jaslarımızdıń bárkámal bolıp er jetiwinde máhelle, shańaraq jámiyetlik shólkemleri hám tálim mákemeleri ayiriqsha orın iyeleydi. Keleshek áwlad haqqında qayǵırıw, saw, bárkámal insandı kamalg'a keltiriwge umtılıw xalqimizga tán milliy qásiyetlerden bolıp tabıladı. Haqıyqattan da, bárkámal áwlad daslep shańaraqta payda boladı, shańaraq ortalıǵında jaqsı yamasa jaman insanlar bolıp ulg'ayadi. Birinshi Prezidentimiz I. Karimov jaslardı ruwxıy-a'deplilik tárbiyalawda shańaraq, ata-ana sheshiwshi orın tutiwina itibar berip sonday degen edi: “Bala tuwılǵan kúninen baslap shańaraq ortalıǵında jasaydı. Shańaraqqa tán dástúrler, qádriyatlar, úrp-ádetler bala zuwalasın qáliplestiredi, eń áhmiyetlisi, perzentler shańaraqlıq turmıs mektep arqalı jámiyet talapların tusinip jetedi, sezinedi. Ata-ananıń perzent aldındaǵı minnetleri, ózleriniń aqıretin abadanlastırıwshı qarızları bar. Olar: jaqsı at qoyıw, jaqsı muǵallım qolına tapsırıp, sawatın shıǵarıw, ilmli, kásip-ónerli qılıw, basın eki hám uyli-jaylı qılıw”. Shańaraqqa tiyisli ruwxıylıqtı kóteriwge shaxs retinde har bir shańaraq aǵzalarınıń arnawlı bir ruwxıy dúnyani ıyelewi olar ortasındaǵı munasábetler tiykarında payda boladı. Shańaraqta áke hám ananin' ruwxıy pazıyletleri er-hayallıq munasábetleriniń shıǵısqa ta'n dástúrleri insaniyliq hám ádep-ikramlılıq dárejesin belgilep beredi. Shańaraq ruwxıy álemi óz-ara húrmet, qádirlew, sheriklik, mehribanlıq, sabırlılıq, insansu'yerlik, haq nıyetlilik, úlkenlerge húrmet, kishilerge ızzet sıyaqlı ruwxıy qádiriyatlardı ózinde sáwlelendiriwi zárúrli bolıp tabıladı. Bunday qádiriyatlardıń shańaraqta izzetleniwi, buǵan ámel etiliwi shańaraqta sonday ruwxıy ortalıqtı jaratadı. Bul bolsa ósip kiyatırǵan áwlad kewili hám sanasınin' qáliplesiwinde oǵada zárúrli bolıp tabıladı. Usi tiykarda hár bir shańaraq aǵzasınıń uqıpı hám potencialı tolıq ámelge asıwı ushın sharayat jaratıladı. Nátiyjede shańaraq ruwxıylıq mákanı retinde qáliplesip baradı. Shańaraq tárbiyası - bul ulıwma insanıylıq processtiń sonday basqıshi, keyinirek pútkil omiri dawamında alatuǵın bilim hám turmıs sabaqlari ushın tiykar wazıypasın o'teydi. Hár bir ata-ana óz minnetlerin seze otirip, shańaraqtın` bekkemligin támiyinleytuǵın hámme ózgeshelikke tolıq ámel qılıwǵa háreket etiwi, onıń wazıypa hám maqsetlerin túsiniwi shárt. Prezidentimiz SHavkat Mirziyoevdin' “Kamalat” jaslar social háreketiniń IV qurultayindag`i sóylewinde aytıp ótkeni sıyaqlı, “Búgingi kúnde jurtımızda barǵan sayın keń tarqalıp baratırǵan. “Óz balan`di óziń asra” degen shaqırıq tek qurǵaqlay uran bolıp qalmastan, hár bir ata-ana, hár bir puqaranıń kewiline tereń kirip barıwı ámeliy háreketke aylanıwı zárúr. Onıń ushın bul máseleni, yaǵnıy ata-analardıń perzentler tárbiyası ushın juwapkerligin hám minnetin huqıqıy tiykarda bekkemlep qoyıw waqıtı keldi, dep oylayman”. Haqıyqattan da hár bir ata-ana óz perzentiniń tárbiyası ushın juwapker esaplanadı. Perzentlerimizdi tárbiyalawdıń zárúrli shártleri shańaraqlardıń bekkem, ruwxıy saw-salamat tiykarda qurılǵanlıǵı, ásirese, ata-ananıń ózi tárbiyalanǵan bolıwı bolıp tabıladı. Ata-analar perzentiniń búgingi muǵallımı esaplanadı. Sebebi, perzentke til úyreniw, kitap oqıwǵa qızıqtırıwı áyne shańaraqtan baslanadı. Házirgi kúnde perzentlerimizdiń hár qanday insaniyliqtan jıraqlastiratug`in illetlerden asıraw ushın olardı ilim alıwǵa, kitap oqıwǵa qızıqtira biliw kerek. Perzent tárbiyasında hár bir ata-ana óz juwapkerligin hár bir minutta sezip jasawı kerek. Shańaraqta saw-salamat ortalıq bolǵandaǵana, olarda hár tárepleme saw, bárkámal insan qáliplesedi. Jas a`wlad tárbiyası, atap aytqanda, fizikaliq jaqtan quwatlı, aqliy ta`repten jetik, ulıwma insanıylıq mádeniyat dárejesi joqarı, zamanagóy bilim hám kásipke iye bolǵan keleshek áwladtı jetilistiriwde shańaraq ruwxıylıg`ınıń tutqan ornı ayiriqsha bolıp tabıladı.