Teri gigiyenasi

Teri mikroflorasi. Teri doimo tashqi muhit ta'sirida bo'lishiga qaramay, undagi mikroorganizmlar turi va miqdori organizmdagi boshqa bioptatlarga nisbatan ko'p emas. Odatda 1 sm² terida 10²—10³ miqdorida mikroorganizmlar aniqlanadi. Bularga asosan Starhibcoccus epidermidis S.saprophiticus, sarsinalar, mikrokokklar, difteroidlar, zamburug'lar, streptokokklar, batsilla va korinebak-teriyalar kiradi. Ular terining epidermis va shox qavati, ter bezla-rining yo'Ilari hamda soch xaltalarida uchraydi. Terida mikroblar­ning ko'p bo'lmasligiga sabab, uning nordon muhiti hisoblanadi (pH — 5,5), bunday muhit ko'pgina mikroblar uchun bakteriotsid ta'sir ko'rsatadi.
Terida vaqtinchalik uchraydigan alloxton mikroblariga quyida-gilar kiradi: S.aureus, a — gemolitik va nogemolitik streptokokklar, E.coli.
Mikroorganizmlar bilan asosan odam tanasining qo'l kafti, oyoq, yuz, ko'p ifloslanadigan quloq, anus va siydik-tanosil a'zolari atrofi terisi zararlanadi. Shu sababli bu joylarni tez-tez yuvib turish kerak.
Mikroorganizmlar kichik bo'lishiga qaramay, ular teri ichiga kira olmaydi, chunki teridagi mavjud to'siqlar bunga yo'l qo'ymay-di. Agar teri shikastlansa to'siqlar buziladi, natijada mikroorga­nizmlar teri ichiga kiradi. Bunda patogen va shartli patogen mikro­organizmlar tezda ko'payib, mahalliy himoya omillarini yengsagina u yerda yiringli, zamburug'li va virusli yallig'lanish jarayonlarini yuzaga keltirib, infeksiya o'chog'iga aylanadi.
Ko'z shilliq qavati mikroflorasi. Ko'zning shilliq qavati steril bo'ladi. Bu tozalik a'zoning anatomik-fiziologik xossalari bilan bog'liq.
Konyunktiv mikroflorasiga asosan, stafilokokklar, Corinebac-terium xerosis, mikoplazma, adeno- va gerpesviruslar kiradi. Bu mikroorganizmlar miqdori kam, ammo himoya omillarining susayishi, ko'zning shikastlanishi hisobiga yallig'lanish jarayon-lari yuzaga kelishi mtimkin.
Quloq mikroflorasi. Normada ichki va o'rta quloqda mikroblar bo'lmaydi. Tashqi quloq yo'lida yog' bezlari yaxshi rivojlangan, ularning sekreti hisobiga quloqda kir yig'iladi. Sog'lom odamlar qulog'ida ichak tayoqchasi, Proteus, patogen stafilokokk va kori-nebakteriyalar, achitqi zamburug'lari uchraydi.
Alloxton mikrofloraga St.aureus, St.piogenes, Ps.aeruginosa, Aspergillus, A.niger, A.terreus kabi mikroorganizmlar kirishi mumkin.