Диссертация мавзусининг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Диссертация тадқиқоти Термиз давлат университети илмий-тадқиқот ишлари режасига мувофиқ № ИТД-2 “Глобал иқлим ўзгариши натижасида юзага келаётган сув танқислиги шароитида қишлоқ хўжалик экинлари таркибини диверсификациялаш асосида Ўзбекистоннинг жанубий ҳудудлари суғорилади- ган ерларида экологик мувозанатни сақлашнинг ташкилий-иқтисодий асосларини ишлаб чиқиш” мавзусидаги фундаментал лойиҳа (2012-2016 йй.) доирасида бажарилган.
Тадқиқотнинг мақсади ҳудудларда ижтимоий-иқтисодий ривожланиш жараёнларини эконометрик моделлаштириш ва истиқболларини интеллектуал прогнозлаш юзасидан таклиф ва тавсиялар ишлаб чиқишдан иборат.
Тадқиқотнинг вазифалари:
ҳудуд ижтимоий-иқтисодий ривожланиш тизими ўзгаришлари, ўзига хос хусусиятлари ҳамда назарий-услубий асослари моҳиятини очиб бериш;
ҳудуд ижтимоий-иқтисодий ривожланиш тизимини стратегик ривожланиш параметрларини прогноз қилиш усулларини таҳлил қилиш ва улардан энг самаралисини аниқлаш;
ҳудудий ижтимоий-иқтисодий ривожланишни ифодаловчи мувозанатли жадвални тузиш ва ундан фойдаланиш усулларини ишлаб чиқиш;
ҳудудий ижтимоий-иқтисодий ривожланиш тизимларни бошқаришда интеллектуал прогнозни шакллантириш, эконометрик моделини ишлаб чиқиш ва баҳолаш юзасидан тавсиялар ишлаб чиқиш;
нейрон тўр воситалари асосида моделлаштириш жараёнларини такомиллаштириш юзасидан таклифлар ишлаб чиқиш;
ҳудуд макроиқтисодий кўрсаткичларини прогнозлаш моделларини тузиш ва баҳолаш.
Тадқиқотнинг объекти сифатида Сурхондарё вилояти шаҳар ва туманларида ижтимоий-иқтисодий ривожланиш жараёнларини эконометрик моделлаштириш олинган.
Тадқиқотнинг предметини ҳудудларда барқарор ўсиш суръатларини эконометрик моделлаштириш ва прогнозлаш жараёнида юзага келувчи ижтимоий-иқтисодий муносабатлар ташкил этади.
Тадқиқотнинг усуллари. Тадқиқот жараёнида илмий ёндошув, қиёсий таҳлил, анализ ва синтез, иқтисодий-статистик таҳлил, эконометрик моделлаштириш, сунъий нейрон тўр воситалари орқали прогнозлаш каби усуллардан фойдаланилган.
Do'stlaringiz bilan baham: |
