Texnologiyalari o‘qituvchi kitobi 5-sinf toshkent – 2020
Download 4.38 Mb. Pdf ko'rish
|
|
O‘QUV-METODIK QO‘LLANMA
DARSNI TASHKIL ETUVCHI TO‘LDIRUVCHI RAQAMLI MANBALARDAN FOYDALANISH O‘qitiladigan modullar davlat ta’lim standartlari va o‘quv dasturlariga asoslangan bo‘lib, o‘qituvchi shu bilimlarga asosiy urg‘u bergan holda o‘quvchilarda o‘tilgan mavzu bo‘yicha ko‘nikmalarni shakllantirishlari uchun kiritilgan. Elektron resurslar nomlari orqali har bir darsga mo‘ljallangan taqdimot, videodars va tarqatma materiallarni www://dr.rtm.uz manzilidan yuklab olish mumkin. Ulardan nafaqat o‘qituvchi, balki o‘quvchilar ham samarali foydalanishlari mumkin. Dars infografikasida turli vaziyatlar (an’anaviy, onlayn va aralash usul)da darsni tashkil etish sxemasi ko‘rsatilgan bo‘lib, o‘qituvchi undan foydalangan holda barcha jarayonlarni belgilab boradi. An’anaviy usulda darsni tashkil etish texnologik xaritasi, ssenariysi hamda metodik ko‘rsatmalari berilgan. U yerda darslarning bo‘limlari, asosiy tushunchalar, yangi mavzu va uni mustahkamlash jarayonlari yoritilgan. Baholash tizimi har bir dars individual savol va topshiriqlardan iborat bo‘lganligi sababli standart ko‘rinishda bo‘la olmaydi, u faqat o‘qituvchi tomonidan belgilanishi mumkin. Masalan, ayrim mavzularda 3 ta vazifaning bajarilishi “5” bahoni tashkil qilsa, boshqa mavzularda 4 ta javob “5” bahoga mos bo‘lishi mumkin. Qo‘shimcha resurslar sifatida har bir o‘qituvchi dars berish jarayonida o‘z ijodiy mahsuloti yoki boshqa manbalardan olgan ma’lumotlaridan unumli foydalanishi va o‘quvchilar bilimini boyitishi tavsiya etiladi. Onlayn va aralash usullarda o‘tiladigan dars ssenariylari keltirilgan bo‘lib, u yerda, shuningdek, o‘qituvchilar uchun kunlik o‘tilgan videodarslarni belgilab borish, o‘quvchilarning uy vazifalarini nazorat qilish va baholash tizimi keltirilgan. |
