To‘garak savollari (katta savollar)

Savol: Uni toping.
Javob: Bulut
Izoh. "Kichkina tabib" filmida Doniyor ozgina bo`lsa ham bulut so`raydi.
Manba. https://muzofond.fm/search/tulpor

13. Turkiyada masjidga kelgan bolalarni jamoat bilan doimiy boʻlishga ragʻbatlantirish uchun unga pul solishar ekan.

Savol: Uylanmoqchi boʻlgan yigitlar unga nima soladilar?
Javob: Sabzi.
Izoh. Turkiyada masjid ostonasidagi bolalarning oyoq kiyimlariga pul solib ularning jamoatga ragʻbatini kuchaytirishar ekan. Bizda boʻydoq yigitlar uylanmoqchi boʻlsa poyabzal ichiga sabzi soladi degan gap bor.

14. Bu inson 25 yoshgacha ona vatanida yashagan boʻlsa ham keyin tashqariga chiqishga majbur boʻldi. Qadimgi xalqlardan qolgan yodgorliklarni oʻrgandi, mineralogiyani oʻzlashtirdi. Hindistonga borib 50 yoshida sanskrit tilini oʻrgandi.

Savol: Uning nomidagi tuman yurtimizning qaysi hududida joylashgan?
Javob: Qoraqalpogʻiston.
Izoh. Beruniyning taxallusi tashqari degan soʻzdan kelib chiqqan. Savol matnida aytilgan Hindiston, mineralogiya, qadimgi xalqlardan qolgan yodgorliklar soʻzlari sizni toʻgʻri javobga yetaklashi kerak edi.
Manba. https://uz.wikipedia.org/wiki/Abu_Rayhon_Beruniy

15. Mazkur sura Qurʼondagi eng kattasi boʻlib undan "Kursi oyati" joy olgan. Surada Muso alayhissalom qavmdoshlariga sigir soʻyish haqida aytadilar.

Savol: Qaysi sura haqida gap ketmoqda?
Javob: Baqara.
Izoh. Baqara soʻzi arab tilidan "sigir" deb tarjima qilinadi.
Manba. https://uz.wikipedia.org/wiki/Baqara_surasi

16.Mazkur shahardan boʻlgan Abdurahim sangtarosh Buxoro amirligidagi koʻplab mashhur inshootlarni bunyod etishda qatnashgan. Toshkent va Moskvadagi bir qancha inshootlar jumladan metropoliten qurilishi paytida ham bu shahar koʻp bora tilga olingan. Shaharda "Marmarobod" mahallasi bor.

Savol: Qaysi shahar?
Javob: Gʻozgʻon.
Izoh. Abdurahim G’ozg’oniy mashhur sangtarosh bo‘lgan. G’ozg’on marmarlari juda ko‘p inshootlar qurilishida ishlatilgan. G’ozg’onda “Marmarobod” mahallasi joylashganligi ham bejizga emas.
Manba. https://uz.wikipedia.org/wiki/G%CA%BBozg%CA%BBon

Nafasingizni rostlab olsangiz navbatdagi savolni o‘qiymiz!

17. Bu ibora qo‘rquv aralash hech narsa deyolmay lol bo‘lib qolmoq degan ma’noda qo‘llaniladi. To‘g’ri ma’noda esa pnevmoniya, yurak xastaliklari, o‘pka gipertenziyasi, xavfli o‘smalarda bu holat yuz berishi mumkin.