Тошкент архитектура – Қурилиш университети “Қурилиш материаллари, буюмлари ва конструциялари технологияси”, кафедраси «Корхонада тайёрланган қурилиш конструкциялари»

Колонна остидаги марказий юкланган пойдеворни
ҳисоблаш

Колонна остидаги пойдеворни шартли равишда марказий юкланган деб ҳисоблаш мумкин, қачонки, эҳтимолий эксцентриситетлар учун шарт бажарилганда колонналар ҳисобланган бўлса. Пойдеворлар тайёрланиши бщйича йиғма ва монолит (қўйма) бўлади. Йиғма пойдеворлар бутун ва ташкил этувчилардан иборат бўлиши мумкин (15-расм). Пойдеворлар учун В15, В20 ва В25 классдаги оғир бетонлар қўлланилади. Пойдевор свесларининг (чиыиы) эгилишга ишлаш шартидан келиб чиққан ҳолда ҳисобланган пайвандланган сетка (тўр) кўринишидаги арматуралар пойдевор ёстиғи бўйича жойлаштирилади.

Пойдевор ости яхши тайёрланган ҳолда бетонинг ҳимоя қатлами 35 мм дан кам бўлмаслиги лозим.


15-расм. Йиғма темир-бетон пойдеворлар
а-бутун ҳолатдаги стаканли пойдевор; б-йиғма стаканли пойдевор; 1-илгаклар; 2-уя (стакан); 3-пойдевор ости плитаси (бутун ёки блокли); 4-колонна ости блоки;
5-колонна ости қўйилмаси
Йиғма колонналар пойдевордаги уяга (стаканга) 1 1,5 дан кам бўлмаган чуқурликда ўрнатилади, бунда пойдевор уясининг пастки плитасининг (уя тагидаги бетон) қалинлиги 200 мм дан кам бўлмаслиги тақозо этилади. Колонна ва стакан деворлари орасидаги тирқишлар (зазорлар) пастки қисмда 50мм ва юқори қисмда эса 75 мм дан кам бўлмаслиги лозим. Колонна ўрнатилгандан кейин бу тирқишлар майда тўлдирувчи қўшилган В17,5 классдаги бетон билан тўлдирилади. Пойдевордаги поғоналар сони унинг H_f; баландлигига боғлиқ равишда аниқланади, мм бўлганда икки поғонали ва мм бўлганда эса уч поғонали пойдевор лойиҳаланади. Пойдеворнинг умумий баланлиги шундай бўлиши керакки, ҳисоблаш бўйича уни кўндаланг стреженлар (хомутлар) билан арматураланиши талаб этилмасин.


5-мисол. Марказий юкланган қўйма пойдеворни ҳисоблаш


Лойиҳалаш топшириғи. 4-мисолдан ўрта қаторда жойлашган колонна остидаги темир-бетон пойдеворни ҳисоблаш ва конструктив лойиҳалаш. Пойдевор бетонининг класси В15, пастки тўр (сетка) арматрураси А-II классдаги пўлатдан тайёрланади, конструктив арматуранинг класси A-I. УзРСТ [15]га мувофиқ, асоснинг (заминнинг) шартли ҳисобий қаршилиги R₀=0,3 МПа. Пойдеворнинг чуқурлиги Н₁ = 1,7 (13-расмга қаранг). Пойдевор материали ва грунтнинг ўртача солиштирма вазни унинг чиқиб турган жойларида кН/м³.