Toshkent davlat agrar universiteti termiz filiali

5. MURABBIYLIK FAOLIYATI NAZORATI:

5.1. Murabbiy va talabalar faoliyati institutning ma’naviy-ma’rifiy ishlar bo‘yicha prorektori, Kengash raisi, fakultet dekani va dekan muovinlari tomonidan nazorat qilinadi.

5.2. Nazorat “Axborot va murabbiylik soatlari” darslari jarayonida o‘tkaziladi.

5.3. Murabbiy o‘z faoliyati bo‘yicha chorak yakunida fakultetda o‘tkaziladigan yig‘ilishda hisobot beradi. O‘quv semestri yakunida Kengash tomonidan o‘tkaziladigan tanqidiy-tahliliy seminar-kengashda ustozlar faoliyati bo‘yicha dekanning ma’naviy-ma’rifiy ishlar muovini hisoboti tinglanadi.

5.4. Zarur hollarda murabbiy va talabalar faoliyati bilan bog‘liq bo‘lgan masalalar institut Kengashi kun tartibiga kiritiladi.

5.5. Murabbiy faoliyati quyidagi ko‘rsatkichlar bo‘yicha baholanadi:

a) Talabalarning ushbu Nizomda ko‘rsatilgan qoidalarga amal qilganlik holati;

b) talabalarning ichki tartib-intizomga rioya qilishi: davomati, fanlarni o‘zlashtirishi, institut, shahar, viloyat, respublika va xalqaro miqyosda o‘tkazilgan fan olimpiadalari, konferentsiya va seminarlardagi ishtiroki natijalari;

v) turli tadbir va musobaqalardagi faolligi va erishgan yutuqlari;

g) talabalarning ilmiy-tadqiqot ishlaridagi ishtiroki va natijalari;

d) talabalarning ma’naviy-axloqiy ko‘rsatkichlari.