2.5. Personal auditiga tadqiqiy yondashuvlar
Personal auditining usullarini rivojlantirmasdan turib uni takomillashtirishning
iloji yo’q. Ba’zan boshlang’ich axborotning kichik hajmiga asoslangan tadqiqotni
o’tkazishning o’zi kifoya. Boshqa holatda tadqiqot chuqurroq bo’lishi va murakkab
tadqiqot loyihalariga asoslanishi mumkin. Auditni o’tkazishda qo’llanilishi mumkin
bo’lgan personalni boshqarishning holatini amaliy tadqiq etishga nisbatan eng muhim
yondashuvlar 2.4-jadvalda keltirilgan. Quyida ularni tahlil qilamiz.
Qiyosiy yondashuv – bu tadqiqotning eng oddiy shakli bo’lib, model sifatida
kompaniyadan foydalaniladi. Auditorlar jamoasi natijalarni yoki tartib-taomillarni
boshqa tashkilotning natijalari yoki tartib-taomillari bilan taqqoslaydi. Qiyosiy
yondashuv ko’pincha absenteizm, kadrlar qo’nimsizligi va ish haqi darajasini
taqqoslash uchun qo’llaniladi. Mazkur yondashuv qandaydir yangi tartib-taomil
birinchi marta joriy etilganda qo’llash maqsadga muvofiq hisoblanadi. Masalan, agar
kompaniya alkogoldan keyin tiklanish dasturini qabul qilayotgan bo’lsa, bunday
dasturni boshqa firmadan ko’chirib olishi mumkin. Unda ikkala dastur natijalarini
solishtirish mumkin.
51
Do'stlaringiz bilan baham: |
