Toshkent davlat iqtisodiyot universiteti huzuridagi ilmiy darajalar beruvchi

Tadqiqotning obyekti sifatida Oʻzbekiston Respublikasida faoliyat 
yurituvchi yuridik shaxslar faoliyati olingan. 
Tadqiqot predmeti soliq tekshiruvlarining nazariy, amaliy hamda uslubiy 
asoslarini takomillashtirish bilan bogʻliq iqtisodiy munosabatlar hisoblanadi. 
Tadqiqotning usullari. Tadqiqotda dialektik yondashuv, tahlil va sintez, 
tizimli tahlil, qiyosiy tahlil, reyting baholash, statistik va matematik modellashtirish 
va boshqa usullardan foydalanilgan. 
Tadqiqotning ilmiy yangiligi quyidagilardan iborat:
uslubiy yondashuvga ko‘ra “sayyor soliq tekshiruvi” tushunchasining 
mazmuni hisobga olish hujjatlari, tovar-moddiy qimmatliklar va pul mablag‘lari 
harakati, shuningdek, soliq to‘lovchi faoliyati bilan bog‘liq boshqa axborotning 
tahlili o‘tkaziluvchi qonuniy jarayon sifatida aniqlashtirilgan yondashuvga ko‘ra 
takomillashtirilgan;
kameral soliq tekshiruvi natijalari bo‘yicha tekshiruvni o‘tkazuvchi mansabdor 
shaxs tomonidan tuziladigan xulosa mazmuni tekshiruv tashabbusi uchun asos 
sifatida xizmat qilgan ma’lumotlar hamda soliq to‘lovchi yoki uchinchi shaxslardan 
talab qilib olingan axborotni (hujjatlarni) o‘rganish va tahlil qilish natijalarining 
ham ko‘rsatilishiga oid me’yorlarni kiritish orqali takomillashtirilgan; 
sayyor soliq tekshiruvini o‘tkazishda aktivlar va majburiyatlarni 
inventarizatsiyadan o‘tkazish tartibi soliq to‘lovchiga qarashli bo‘lmagan, biroq 
buxgalteriya hisobida qayd etilgan (mas’uliyatli saqlashda bo‘lgan, ijaraga olingan, 
qayta ishlash uchun olingan) boshqa turdagi mol-mulk hamda biror-bir sababga 
ko‘ra hisobga olinmagan mol-mulkni inventarizatsiya qilish zarurligiga oid 
me’yorni kiritish orqali takomillashtirilgan; 
soliq organlari tomonidan o‘tkazilgan kameral soliq tekshiruvi natijasida 
undirilgan soliq, penya va moliyaviy jarimalar summalarining 60 foizini davlat 
byudjetiga, 40 foizini Davlat soliq qo‘mitasining Moddiy yordam, ijtimoiy himoya, 
soliq organlarini rivojlantirish va ko‘zda tutilmagan xarajatlar maxsus 
jamg‘armasiga yo‘naltirish taklifi ishlab chiqilgan.