Toshkent davlat iqtisodiyot universiteti huzuridagi ilmiy darajalar beruvchi

Tadqiqotning amaliy natijasi quyidagilardan iborat: 
nazorat-kassa texnikasi va hisob-kitob terminallarini qoʻllash tartibini buzish 
hamda tartibiga oʻzgartirish kiritish asoslangan; 
import operatsiyalari boʻyicha muddati oʻtgan debitor qarzdorlikka yoʻl 
qoʻygan xoʻjalik subyektlari tomonidan ushbu qarzdorlik toʻliq bartaraf 
etilmagunga qadar xorijiy hamkorlarga navbatdagi toʻlovni amalga oshirishni 

---

9 
vaqtincha cheklash boʻyicha bank qonunchiligiga tegishli oʻzgartirish kiritish taklif 
etilgan; 
bir kunlik firmalarda 10 kunda yirik pul aylanmalarining chegara miqdori 1,0 
mlrd. soʻmdan oshgan subyektlarning hisob raqamidagi pul aylanmalari toʻgʻrisida 
toʻliq maʼlumotlarni kunlik onlayn tarzda olish taklif etilgan; 
Soliq kodeksining kameral soliq tekshiruvini oʻtkazish tartibiga doir 
qoʻshimcha va oʻzgartirishlarni kiritish asoslangan. 
Tadqiqot natijalarining ishonchliligi. Tadqiqotda qoʻllanilgan yondashuv va 
usullarning maqsadga muvofiqligi, maʼlumotlarning rasmiy manbalardan 
olinganligi hamda tegishli xulosa va takliflarning Oʻzbekiston Respublikasi Davlat 
soliq qoʻmitasi va boshqa mutasaddi tashkilotlar tomonidan amaliyotga joriy 
qilinganligi bilan belgilanadi. 
Tadqiqot natijalarining ilmiy va amaliy ahamiyati. Tadqiqot natijalarining 
ilmiy ahamiyati mamlakatdagi soliq tekshiruvlarini takomillashtirishga oid nazariy-
metodologik va soliq tizimiga oid maxsus ilmiy tadqiqotlarni amalga oshirishda 
foydalanish mumkinligi bilan belgilanadi. 
Tadqiqot natijalarining amaliy ahamiyati ishlab chiqilgan ilmiy taklif va 
amaliy tavsiyalardan mamlakatimizda soliq tekshiruvlarini raqamlashtirish, soliq 
tekshiruvlarini takomillashtirish, soliq maʼmurchiligini takomillashtirish, soliq 
qonunchiligi va byudjet-soliq siyosati kontseptsiyasi loyihalarini ishlab chiqish, 
respublikada faoliyat yuritayotgan davlat soliq xizmati organlari xodimlariga 
metodik qoʻllanma sifatida soliq nazorati shakllarini takomillashtirish, kameral 
soliq tekshiruvi, sayyor soliq tekshiruvi boʻyicha darsliklar, oʻquv va uslubiy 
qoʻllanmalar ishlab chiqishda foydalanish mumkinligi bilan izohlanadi.