Universal hizmatlar – umumiy foydalanishdagi telekommunikatsiya tarmoqlari orqali barcha foydalanuvchilarga ko‘rsatiladigan belgilangan sifatdagi majburiy hizmatlar to‘plami (foydalanuvchilarning bu tarmoqdan foydalanishini ta’minlash, mahalliy, shaharlararo va xalqaro telefon so‘zlashuvlari, telegrammalar jo‘natish va boshqalar).
CHUCA – bu zamonaviy axborot bozor muhitida muammolarni hal qilish qobiliyatiga ega shakllangan jamoani baholashda inson kapitali auditi usulidir.
Shaxsiy domen nomi– jismoniy shaxsning ismi va/yoki familiyasining o‘xshash ifodalanishidan iborat domen nomi.
Shaxslararo kapital, yoki ijtimoiy kreativ kapital - individning boshqa individlar bilan shaxslararo aloqalarining tizimi, u foydalanilayotgan kreativ kapital hajmiga ta’sir ko‘rsatadi. Bunday aloqalar kreativ aloqalar deb ataladi. Shaxslararo kapital hamma kreativ aloqalar yo‘qotilishi vaqtida individning ishlatayotgan kreativ kapitalining kamayishi kattaligi bilan o‘lchanadi.
Elektron bozor – bu ko‘p sonli xaridorlar va sotuvchilarni birlashtiruvchi, ma’lumotlar, tovarlar va hizmatlar almashish hamda to‘lovlarni amalga oshirishga hizmat qiluvchi axborot tizimidir. Elektron bozor yaratilishining zaminida minglab axborot tizimlarini yagona kompyuter tizimi – Internetga birlashtirish imkoniyatining mavjudligi yotadi. Elektron bozorning axborot tizimlari xaridor va sotuvchilarni izlash, narxlar haqida axborot olish, tovarlarga buyurtma berish va ularni sotib olishni o‘z ichiga olgan transaksiyali sarf-harajatlarni kamaytirishga sharoit yaratadi.
Markazlashmagan tizim – bunday tizimda har bir ishtirokchi teng huquq va imkoniyatlarga ega bo‘lishi ko‘zda tutilgan
Do'stlaringiz bilan baham: |
