Тошкент давлат педагогика университети ҳузуридаги илмий даражалар берувчи dsc

Диссертация мавзусининг диссертация бажарилган олий таълим 
муассасасининг илмий-тадқиқот ишлари билан боғлиқлиги. Диссертация 
тадқиқоти Ўзбекистон Миллий университетининг илмий-тадқиқот ишлари 
режасига киритилган ОТ-А1-103 - “Олий таълим тизими кадрларининг 
инновацион 
фаолиятга 
тайёргарлигининг 
ижтимоий-психологик 
механизмларини ишлаб чиқиш (хорижий илғор технологиялар асосида)” 
(2017-2018 йй.) амалий лойиҳаси доирасида бажарилган. 
Тадқиқотнинг мақсади Ўзбекистон соғлиқни сақлаш тизимида 
психологик хизмат фаолиятини ташкил этишнинг ўзига хос хусусиятларини 
ўрганиш ҳамда сурункали соматик касалликлар нозологиясига мос тиббий-
психологик ёрдам тузилмасини ишлаб чиқишдан иборат. 
Тадқиқот вазифалари: 
соғлиқни сақлаш тизимида психологик хизмат фаолиятини ташкил 
этишнинг ўзига хос хусусиятларини аниқлаш; 
аҳолининг соғлиқни сақлаш тизимида психологик хизматга бўлган 
эҳтиёжи ва шифокорларнинг психологик хизмат ҳақидаги тасаввурларини 
аниқлаш; 
сурункали соматик касаллиги бўлган беморларда юзага келадиган 
психологик ўзгаришлар, касалликнинг ички кўриниши ва унга хос психик-
эмоционал бузилиш хусусиятларини аниқлаш ҳамда беморларга психологик 
хизмат кўрсатиш заруратини илмий асослаш; 
сурункали соматик касалликлар нозологиясига мос тиббий-психологик 
хизматни ташкил этишнинг ўзига хослигини аниқлаш; 
шифокорлар ва психологлар учун психологик хизматни такомил- 
лаштириш бўйича илмий асосланган тавсиялар ишлаб чиқиш.
Тадқиқотнинг объекти сифатида 575 нафар (Тошкент шаҳридаги 40-
сонли оилавий поликлиника ва Тошкент тиббиёт академияси клиникасида 
меҳнат қилаётган 67 нафар шифокор ва 508 нафар аҳоли), 418 нафар бемор ва 
30 нафар назорат гуруҳи (соғлом респондент)дан иборат жами 1023 нафар 
респондент жалб этилди. 
Тадқиқотнинг предметини соғлиқни сақлаш тизимида психологик 
хизмат фаолиятининг ўзига хос хусусиятлари ташкил этади.