Toshkent davlat sharqshunoslik instituti tarjimashunoslik

Uyg‘un  (Otako‘ziev  Rahmatulla)  1905  yil  14  mayda  Jambul  viloyati  Marki  qishlog‘ida  tug‘ilgan. 

O’zbekiston xalq shoiri (1965). O’zbekistonda xizmat ko‘rsatgan san’at arbobi (1956). Mehnat Qahramoni 

(1985).  Samarqanddagi  pedagogika  akademiyasida  taxsil  ko‘rgan  (1927-30).  Dastlabki  she’rlar  to‘plami  - 

«Bahor sevinchlari» (1929). «Quyosh o‘lkasiga» (1963), «G’azab va muhabbat», (1944), «Hadya» (1946), 

«O’zbekiston»  (1947),  «Hayot  ishqi»  (1948),  kabi  she’r  va  hikoyalar  to‘plamlari,  «Gulandom»  (1938,  1-

o‘zbek  baleti librettosi),  «Alisher  Navoiy»  (1943,  hamkorlikda),  «Navbahor»  (1948) singari  sahna  asarlari 

muallifi. A. S. Pushkin, M. Yu. Lermontov, A. P. Chexov, L. N. Tolstoy, V. Shekspir asarlarini o‘zbek tiliga 

tarjima qilgan. Hamza nomidagi O’zbekiston Davlat mukofoti laureati (1984).  

Oybek  –  1905  yilda  10  yanvarda  Toshkentning  Govkush  mahallasida  tug'ilgan  Muso 

Toshmuhammadning  adabiy  taxallusi.  1922  yildan  unrining  oxirigacha  Oybek  she'r,  dostonlar  yozdi. 

“Onamning mozorida” (1924), “Ovchiga” (1924), “Yoshlik xotiralaridan” (1925), “Gunafsha” (1927) singari 

she'rlarida  yosh  shoir  ruhiyatining  holatlari  tasvirlanadi.  “Fanga  yurish”  (1930),  “Fikr”  (1931),  “Tansiq” 

(1935),  “Dala  yo'lida”  (1935),  “Qishloq  qizi  student”  (1933),  “Brigadir  ayol”  (1935)  singari  she'rlarida 

ijtimoiy  hayot  aks  ettiriladi.  Shoir  “Dilbar  –  davr  qizi”  (1932),  “O'ch”  (1932),  “Navoiy”  (1947),  “Qizlar” 

(1947), “Davrim jarohati” (1965) kabi poemalar yozgan 

Oybek  poemalarining  qahramonlari  “Qutlug'  qon”  (1940),  “Navoiy”  (1944),  “Oltin  vodiydan 

shabadalar” (1949) singari romanlariga ham o'tgan. “Quyosh qoraymas” (1954), “Ulug' yo'l” (1963), “Nur 

qidirib”  (1955),  “Bola  Alisher”  (1967)  –  Oybekning  muhim  asarlaridan.  U  nosir  sifatida  xalqning  boy, 

murakkab tarixini aks ettirdi.  

Oybek  1943  yilda  O'zbekiston  Fanlar  Akademiyasiga  a'zo  bo'ldi.  Olim  “Adabiyot  qoidalari  haqida” 

(1926), “Abdulla Qodiriyning ijodiy yo'li” (1936), “Tanqidchilikda savodsizlik va ur-yiqitchilikka qarshi o't 

ochaylik”  (1939),  “Muqimiy  asarlarida  sotsial  tiplar”  (1939)  singari  tadqiqotlarni,  Navoiy  haqidagi 

maqolalarni yozdi.  

A.  S.  Pushkinning  «Yevgeniy  Onegin»  she’riy  romani,  M.  Yu.  Lermontovning  «Maskarad», 

Molerning  «Tartyuf»  dramalarini  o‘zbek  tiliga  tarjima  qilgan.  1968  yil  1  iyulda  Toshkentda  vafot  etgan. 

Vafotidan so‘ng «Buyuk xizmatlari uchun» ordeni bilan taqdirlangan (2001).