Toshkent kimyo-texnologiya instituti «vinochilik texnologiyasi va sanoat uzumchiligi» fakulteti «biotexnologiya» kafedrasi
Download 4.48 Mb. Pdf ko'rish
|
Biologiya ma\'ruza 2022
6– MAVZU:
UMUMIY BIOLOGIYA FANINING QISHLOQ XO’JALIGI BIOTEXNOLOGIK JARAYONLARI BILAN BOG’LIQLIGI. 1-ilova Reja: 1. Biologiya fani qishloq xo’jaligidagi ahamiyati. 2. O’simliklarni klonal mikroko’paytirish. 3. O’simliklarni klonal mikroko’paytirishni usullari va bosqichlari 4. Qishloq xo’jaligi sohasida biotexnologiyani o’rni Hozirgi kunda Biologiya fani rivojlanishi natijasida juda ko’p tarmoqlarga bo’linib rivojlandi. Zamonaviy ko’p tarmoqli ilmiy-amaliy yo’nalish yo’nalishlar paydo bo’ldi. Biologiya fani rivojlanishi natijasida qishloq xo’jalik fanlar bilan bog’liq holda rivojlandi. Biologiya fani qishloq xo’jaligida meva-sabzovotchilik va uzumchilik, Agrobiologiya, Ipakchilik va tutchilik, O’simliklar ximoyasi agrokimyo va to’proqshunoslik, Fishloq xo’jaligi maxsulotlarini saqlash va qayta ishlash yo’nalishlari fanlari bilan uzviy bog’liq holda rivojlanmoqda. Biologiya fani rivojlanishi natijasida zamonaviy fan Biotexnologiya fani vujudga keldi va rivojlandi. Ushbu rivojlangan biotexnologiya fani juda soxalarni qamrab oldi, ya’ni biotexnologiya yutuqlari asosida ko’plab ishlab chiqarish sanoatlari shu jumladan qishloq xo’jaligi yo’nalishi sohalarida, farmastevtika yo’nalishlari sohalarida, medistinada va farmastevtika yo’nalishlari sohalarida va kimyo sanoati turli xildagi ishlab chiqarish jarayonlariga o’z ta’sirini ko’rsatdi. Natijada yuqorida sanab o’tilgan barcha yo’nalishlarda ishlab chiqarish natijasida iqtisodiy samaradorliklarga erishildi. Biologiya va shu jumladan Biotexnologiyaning rivojlanishi, o’z navbatida unga tegishli bo’lgan bir necha fanlar bo’yicha olib boriladigan ilmiy-amaliy izlanishlarni jadallanishiga olib keldi. Ayniqsa mikroorganizmlar asosida xilma-xil fiziologik faol moddalarni sintez qilish, buning uchun kerakli va iqtisodiy samara beradigan, raqobatbardosh mikrob produstentlarni yaratish, ulardan kerakli mahsulotni ajratib olishni yo’lga qo’yish, shu maqsadda o’simlik va hayvon hujayra va to’qimalaridan foydalanish masalalari bo’yicha erishilgan yutuqlar yuqoridagi fikrlarni tasdiqlaydi. Biologiya ko’p tarmoqli bo’lganligi uchun ham, uning yutuqlari asosida medistinada, farmastevtikada, qishloq xo’jaligida, kimyo va oziq-ovqat sanoatlarida ham shu jumladan biologiyaning rivojlanishi hisobiga biotexnologik jarayonlar asosida maxsulotlar ishlab chiqarish amalga oshirilmoqda. Hozirgi paytda Biologiya fani qishloq ho’jaligi sohalarining "Agronomiya" va "Selekstiya, urug’chilik va o’simliklarni himoya qilish" "Biotexnologiya" va "O’simliklarni biologik himoya qilish" sohalari hamda biologiya fani yutuqlari asosida gen va xujayra injeneriyasi usullarini qo’llab o’simliklarning virussiz navlarini yaratish, selekstion fondni boyitish va yangi navlarni etishtirish; o’simliklar zararkunandalariga qarshi parazitlar, yirtqich hasharotlar, mikroorganizmlar va antibiotiklarni qo’llashning, ya’ni biologik himoyaning samarali usullarini yaratish va ishlab chiqarishga joriy etish; ekinlar va daraxtlarni sug’orish uchun suvtejovchi texnologiyalarni ishlab chiqish, takomillashtirish va qishloq xo’jaligi sohalari amaliyotiga keng joriy etish ishlari amalga oshirilmoqda. Bugungi ma’ruzamizda biologiya fanining qishloq xo’jalik fanlari bilan bog’liqligi. Qishloq xo’jaligi biotexnologiyasining nazariy va amaliy ahamiyati to’g’risida to’xtalib o’tamiz. Biologiya yoki biotexnologik jarayonlar texnologiyasi biologik agentlar yoki ularning majmualaridan (mikroorganizmlar, o’simliklar va hayvon hujayralari, ularning komponentlaridan) kerakli maxsulotlar ishlab chiqarish maqsadida sanoatda foydalanish degan ma’noni beradi. Quyida biotexnologiya sohasining etuk olimlari tomonidan ushbu terminga berilgan ta’riflarga to’xtalib o’tamiz. a) Anbash, A.Xemferi, N.Millislarning (1975) fikriga ko’ra “Biotexnologiya” - yangi biokimyoviy ishlab chiqarishlar mahsulidir (vitaminlar, antibiotiklar). b) “Biotexnologiya” moddalarni biosintez usuli orqali ozuqa olish fanining bo’limi bo’lib, u «bioinjeneriya» sohasi bilan bog’liqdir. v) A.Xasting (1983) fikri bo’yicha «Biotexnologiya» -pivo, vino, pishloq, vitaminlarni sanoat asosida olish jarayonidir. g) 1980 yil Evropa federastiyasi Kengashi muhokomasida “Biotexnologiya” - biologik tizimlar asosidagi sanoat jarayoni deb qaralgan. d) 1983 yil Bratislavada bo’lib o’tgan kengashda «Biotexnologiya» - moddalarni katta miqdordagi sanoat asosida (biokatalizatorlar orqali) olish va atrof muhitni himoya qiladigan fan deb ta’riflangan. e) A.A.Baev (1986), Yu.A.Ovchinnikov (1982) “Biotexnologiya” biologik jarayonlarni ishlab chiqarishga joriy etish to’g’risidagi fan deb ta’riflashgan. Biologiya shu jumladan biotexnologik jarayonlari mikroorganizmlardan, o’simlik va hayvon hujayralari va to’qimalaridan, hujayra organnellalari, ularni o’rab turgan membranalarning sof yoki ularning immobillashgan holatida oqsil, organik kislotalar, aminokislotalar, spirtlar, dorivor moddalar, fermentlar, gormonlar va boshqa organik moddalarni (masalan, biogaz) ishlab chiqarish (sintez qilishda), sof holda metall ajratish, oqova suvlarni va qishloq xo’jalik yoki sanoat chiqindilarini qayta ishlashda keng foydalaniladi. Biotexnologiyaning mohiyatini tushunish uchun misollarga murojaat qilaylik. Bakteriya hujayrasi har 20-60 minutda, achitqi zamburug’lari 1,5-2,0 soatda ikkiga bo’linib ko’paysalar, sut emizuvchilar hujayralarining ikkiga bo’linishi uchun 24 soat kerak bo’ladi. Bir kecha-kunduzda og’irligi 500 kilogrammli bo’lgan qoramol 500 gramm oqsil moddasi to’plasa, 500 kilogramm achitqi zamburug’i 500 000 kilogramm yoki undan 1000 marotaba ko’proq oqsil to’playdi. Yana bir misol: 1 kub metr ozuqa muhitida achitqi zamburug’lari 24 soatda 30 kilogramm oqsil to’playdi, shuncha miqdorda oqsil to’plash uchun 18 gektar erga no’xat ekib, uch oy parvarish qilish lozim bo’ladi. Biologiya va biotexnologiya ixtisosliklari bo’yicha o’zbek olimlarimiz yutuqlari asosida qishloq xo’jaliga, oziq-ovqat, medistina, farmastevtika va boshqa bir qator sanoat ishlab chiqarish sohalarida o’z yutuqlari asosida hissa qo’shgan olimlarimiz ishi bilan tanishib chiqamiz. -Biologiya va biotexnologiya ixtisosliklari bo’yicha birinchi o’zbek akademigi A.G.Xolmurodov (1939-1996) fuzarium avlodiga mansub zamburug’lardan NAD- kofermenti va vitaminlar kompleksi (V guruhiga kiruvchi vitaminlar, vitamin RR, va h.k.) tayyorlash texnologiyasini yaratdi. -Akademik M.I.Mavloniy O’zbekistonda uchraydigan achitqi zamburug’larni tahlil qilib, ularni nonvoychilik, vinochilik va chorvachilikka qo’l keladigan turlarini topdi va ular asosida maxsus xamirturushlar va vinochilik uchun achitqi tayyorlash texnologiyalarni yaratdi. -Professor Q.D.Davranov MDH mamlakatlarida birinchilardan bo’lib, yog’ parchalovchi lipaza fermentini tayyorlash texnologiyasini yaratdi. Bu fermentni ko’p shakliligi sabablarini tahlil qila turib, har bir biotexnologik jarayon uchun o’ziga xos xususiyatga ega bo’lgan lipaza fermenti zarur degan fikrga keldi va buni amaliyotda isbotlab berdi. Q.D.Davranov yaratgan "Er malhami" biopreparati azot o’zlashtiruvchi mikroorganizmlar asosida tayyorlangan bo’lib, mamlakatimiz kishloq xo’jaligida keng qo’llanilmoqda. Bundan tashqari Q.D.Davranov rahbarligida Z.R.Axmedova tabiiy stellyuloza-lignin biokarkasini (g’o’zapoya, somon, kanop poyasi, qipiq va boshqalar) shu maqsad uchun maxsus tayyorlangan bazidiomistetlarning fermentlari ishtirokida parchalanish sharoitlarini ishlab chiqdilar. -B.f.d. J.Tashpo’latov (1938-2005) somon va g’o’zapoyani parchalashda "trixoderma xarzianum" deb atalmish zamburug’ fermentlaridan foydalanish mumkinligini ilmiy asoslab berdi va bu texnologiyani amaliyotga qo’llash bo’yicha taklif va muloxazalarni chop etdi. J.Tashpo’latov yaratgan bu texnologiya qo’llanilganda somonda shakar miqdori 6-7% ga etgani, unda vitaminlar, aminokislotalar paydo bo’lganligi va shu tufayli somonning oziqa-birligi bir necha barobar oshganligi isbotlab berilgan. -O’zbekistonda biotexnologiya fanining rivojlanishiga bosh bo’lgan olim, b.f.d., professor M.M.Raximovdir. Bu olim mamlakatimizning bir necha oliygohlarida biotexnologiya kafedralarini ochishda bosh bo’ldi. Olimning oziq-ovqat sanoatida fermentlar yordamida, yangi samarador texnologiyalar yaratganligi tahsinga sazovordir. - O’zbek olimlaridan T.G.Gulyamova, A.X.Vaxobov, X.A.Berdiqulov, R.Shayakubov, Z.R.Axmedova, Z.F.Ismoilov, I.J.Jumaniyozov va boshqalar mamlakatimizda mikrob biotexnologiyasining rivojlantirish ustida chuqur ilmiy va amalliy ishlar olib bormoqdalar. Shuningdek, marhum professorlar M.M.Murodov va T.Yu.Yusupovlar olib borgan chuqur ilmiy izlanishlar asosida katta ilmiy amaliy nazariyalar yaratilgan. Mamlakatimiz ravnaqi, uning iqtisodini yanada yuksaltirish maqsadida eng avvalo quyidagi biopreparatlarni ishlab chiqarishni yo’lga qo’ymoq zarur: - Oziq-ovqat va chorvachilik uchun oqsil moddalari; - Aminokislotalar (lizin, metionin va boshqalar); - Organik kislotalar (limon kislotasi va uni o’rnini bosadiganlar); - Antibiotiklar (birinchi navbatda 4-5 avlodga mansub antibiotiklar); -Vitaminlar va boshqa ba’zi farmastevtik priparatlar; -O’simliklarni himoya qilish vositalari ishlab chiqarish va h.k. Download 4.48 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling