Toshkent moliya instituti “byudjet xisobi va davlat jamg’armalari” fakulteti
Qishloq xo’jaligi tarmoqlarida investitsiyalarni jalb qilishning
Download 0.67 Mb. Pdf ko'rish
|
qishloq xojaligi tarmoqlarini rivojlanishida investitsiyalarni jalb etishning zamonaviy yonalishlari
1.2. Qishloq xo’jaligi tarmoqlarida investitsiyalarni jalb qilishning huquqiy asoslari
Bozor iqtisodiyoti sharoitida davlatning bosh islohotchi sifatidagi rolidan kelib chiqib, qishloq xo’jaligining har bir tarmog’i huquqiy jihatdan himoya etiladi. Iqtisodiyotni modernizatsiyalash bosqichida investitsiya faoliyati, investorlarning manfaatlari, qulay investitsiya muhitini yaratish qonuniy kuchga tayanadi. Bu borada quyidagi huquqiy normativ aktlarni asosiy qonun xujjatlari sifatida e’tirof etish mumkin: - 24.12.1998 yilda qabul
qilingan O’zbekiston Respublikasining “Investitsiya faoliyati to’g’risida”gi №719-I Qonuni; - 30.04.1998 yilda qabul qilingan O’zbekiston Respublikasining “Chet el investitsiyalari to’g’risida”gi №609-I Qonuni; - 30.04.1998 yilda qabul qilingan O’zbekiston Respublikasining “Chet ellik investorlar huquqlarining kafolatlari va ularni himoya qilish choralari to’g’risida”gi №611-I Qonuni; 16
- 14.04.1999 yilda qabul qilingan O’zbekiston Respublikasining “Lizing to’g’risida”gi Qonuni; - 06.05.1993 yilda qabul qilingan O’zbekiston Respublikasining “Sug’urta to’g’risida”gi Qonuni; Bulardan “Investitsiya faoliyati to’g’risida”gi Qonun ayniqsa ahamiyatlidir. Mazkur Qonun 28 ta moddadan iborat bo’lib, ularga O’zR 12.12.2003 yil 568 – II son, O’zR 10.10.2006 yil O’RQ – 59 – son, O’zR 31.12.2008 yil O’RQ – 197 – son Qonunlariga muvofiq o’zgartirishlar kiritilgan. Ushbu Qonunga binoan (7 – modda) investitsiya faoliyatida quyidagi sub’ektlar ishtirok etadi: - investorlar; - buyurtmachilar (mablag’ kirituvchilar); - kreditorlar; - sotib oluvchilar; - investitsiya faoliyati ishtirokchilari vazifasini bajaruvchilar. Investorlar – bu yuridik yoki jismoniy shaxslar bo’lib, investitsiya faoliyati ob’ektlariga o’z mablag’larini, jalb qilingan mablag’larini yoki zayomlarini, ularga doir huquqlarni kiritadi va mulkiy boyliklarni tasarruf etish yuzasidan moliyaviy qarorlarni qabul qiladilar. Qonunning 8–moddasiga ko’ra investorlar quyidagi huquqlarga egadirlar: Investor investitsiyalash maqsadi, yo’nalishi, turi va hajmini mustaqil ravishda belgilaydi, buni amalga oshirish uchun shartnoma asosida, qoida tariqasida tanlov (tender) savdosini o’tkazish yo’li bilan yuridik va jismoniy shaxslarni investitsiya faoliyati ishtirokchilari sifatida jalb etadi. - Investor investitsiya ob’ektlariga va ularning natijalariga egalik qiladi, ulardan foydalanadi, ularni tasarruf etadi, shuningdek, reinvestitsiya qiladi. - Investitsiya ob’ektlariga va ularning natijalariga egalik qilish, ulardan foydalanish, ularni tasarruf etish huquqini qonun hujjatlarida belgilangan tartibda boshqa yuridik va jismoniy shaxslarga berishi mumkin. 17
- Investor o’ziga zarur bo’lgan mol – mulkni yuridik va jismoniy shaxslardan o’zaro kelishuv asosida belgilanadigan narx va shartlarda, hajmi va nomenklaturasini cheklanmagan tarzda olishga haqli. - Investor qonun hujjatlarida ko’zda tutilgan boshqa huquqlarga ham ega bo’lishi mumkin. Amaliyotda investorlarni investitsiya maqsadi va yo’nalishini belgilashda xo’jaligining serdaromadliligi, ya’ni bevosita olinadigan foyda qiziqtiradi. Sanoat, aloqa, transport, qurilish kabi xalq xo’jaligi tarmoqlaridagi investitsiya muhitining jozibadorligi investorlarni o’ziga osonroq jalb etsa, qishloq xo’jaligida bu biroz qiyinroq kechadi. Chunki qishloq xo’jaligida mavso’miylik, ishlab chiqarish davrining uzoqligi, tabiiy shart – sharoitlar kabi omillar xo’jalik yurituvchi sub’ektning yakuniy natijasiga bevosita bog’liqdir. Qishloq xo’jaligi sub’ektlarini investitsiyalashda investor tomonidan o’tkaziladigan tender, ya’ni tanlov xo’jalik yurituvchi sub’ektning moliyaviy ko’rsatkichlari yoki biznes rejasi parametrlariga tayanadi. Investor mazkur Qonunning 9–moddasiga ko’ra quyidagi majburiyatlarni bajarishi kerak: - investitsiya loyihalarida sanitariya – gigiena, radiatsiya, ekologiya, arxitektura – shaharsozlikka oid va boshqa talablarga rioya etilganligi xususida ekspertiza xulosasini olishi; - monopoliyaga qarshi qonun hujjatlarining talablariga rioya etishi; - soliqlar va boshqa majburiy to’lovlarni to’lashi; - shartnoma bajarilmasligi yoki lozim darajada bajarilmasligi tufayli investitsiya faoliyati ishtirokchisiga etkazilgan zararni qoplashi; - mahalliy davlat hokimiyati organlari va davlat boshqaruvi organlarining o’z vakolatlari doirasida qo’yiladigan talablarini bajarishi shart. Download 0.67 Mb. Do'stlaringiz bilan baham: |
ma'muriyatiga murojaat qiling