Toshkent moliya instituti f. T. Bazarova

 

6.2. Marketingda strategik rejalashtirishning maqsadi  

va vazifalari 

 

Strategik rejalashtirish – bu korxonaga foyda keltiradigan 

marketing strategiyalarini ishlab chiqish va rivojlantirishdir. 

Marketing menejerlari yangi imkoniyatlarni izlashi lozim. 

Marketing menejerlari ma’lum bir rejalarni tuzish bilan qoniqmasligi 

kerak. Chunki bozor juda tez o‘zgarib turadi (xaridor istaklari, raqobot-

chilar va muhit). 

Firmaning yaqin kelajakdagi muvaffaqiyatini avvalo, uning joriy 

faoliyatidagi turli yo‘nalishlarning moliyaviy jihatdan qay darajada 

---

128 

 

muvofiqlashtirilganligi belgilaydi. Uning uzoq kelajakdagi rivojlanishi 

va taraqqiy etishi esa bozordagi o‘zgarishlarni o‘z vaqtida oldindan 

ko‘ra bilish hamda o‘z tuzilmasi va tovar portfelining tarkibini tegishli 

ravishda bunga moslashtira olish qobiliyatiga bog`liq bo‘ladi. 

Strategik rejalashtirishning maqsadi –  firmaning uzoq muddatli 

taraqqiyotini ta’minlash maqsadida tanlagan strategiyasini aniq va izchil 

tavsiflab berishdir. Bu tanlov asta-sekin qarorlar va harakat dasturlariga 

aylanishi kerak. Strategik marketing rejasi moliyaviy rejadir, biroq u 

moliyaviy oqimlarning manbalari va maqsadlari haqidagi ma’lumotlar 

bilan boyitilgan bo‘ladi. Amalda u firmaning jami iqtisodiy faoliyatini 

belgilab beradi va uning qolgan barcha funksiyalariga: ITTKI bevosita 

ta’sir ko‘rsatadi. Marketingni strategik rejalashtirish jarayoni 6.1-rasmda 

keltirilgan.