III. Ustama haq va mukofotlarni belgilash, berish va tasdiqlash tartibi
Filial professor-o‘qituvchilari va xodimlariga ustama haq fakultet dekanlari va tarkibiy tuzilma rahbarlari tomonidan joriy yilda faoliyat yuritayotgan ustama haq to‘lash komissiyasiga taqdim etilgan ma’lumotlar asosida direktor tomonidan chiqarilgan buyruqqa asosan amalga oshiriladi.
Filial professor-o‘qituvchilari va xodimlariga quyidagi hollarda ustama haq belgilanmaydi:
yangi ishga qabul qilingan professor-o‘qituvchi va xodimlar uchun – uch oygacha;
- ustama haq to‘lanayotgan oyda mehnatga layoqatsiz bo‘lganlarga;
- salbiy harakatlar sodir etganligi uchun intizomiy jazo olganlarga;
- mehnat shartnomasi yoki lavozim yo‘riqnomasida belgilangan xizmat vazifalarini talab darajasida bajarmaganlarga;
- mehnatni muhofaza qilish va texnika xavfsizligi talablarini buzganlarga;
- ijro intizomini buzganlarga.
10. Filial professor-o‘qituvchilari va xodimlariga mukofotlar ularga bevosita rahbarlik qilayotgan mas’ullar bildirishnomasiga asosan direktor tomonidan chiqarilgan buyruqqa asosan amalga oshiriladi.
IV. Rag‘batlantirish manbalari
4.1. Mukofotlar, qo‘shimcha va ustama haqlar to‘lash filialning joriy yil uchun tasdiqlangan xarajatlar smetasida ko‘zda tutilgan moddiy rag‘batlantirish jamg‘armasi hisobidan amalga oshiriladi. Moddiy rag‘batlantirish jamg‘armasi O‘zbekiston Respublikasi Vazirlar Mahkamasining 2020 yil 26 avgustdagi 517-son “Respublika oliy ta’lim muassasalarining professor-o‘qituvchilari va boshqa toifadagi xodimlarini budjetdan tashqari mablag‘lar hisobidan moddiy rag‘batlantirish tartibi to‘g‘risidagi nizomni tasdiqlash haqida”gi qaror bilan tasdiqlangan Nizomga asosan to‘lov-kontrakt asosida o‘qitishdan tushadigan mablag‘larning 30 foizidan ko‘p bo‘lmagan miqdorida belgilanadi.
Mehnat jamoasi umumiy yig‘ilishining 2022 yil “22” fevraldagi №1-sonli bayonnomasi bilan ma’qullangan jamoa shartnomasiga 11 -ilova
Do'stlaringiz bilan baham: |
