Тошкент молия институти

Талабанинг мустақил ишидан мақсад ўқитувчининг раҳбарлиги ва назорати 
асосида муайян ўқув ишларини мустақил равишда бажариш учун зарур бўлган 
билим ва кўникмаларни шакллантириш ва ривожлантиришдир. Талабанинг 
мустақил иши вазифалари қуйидагилардан иборат бўлади: 
• янги билимларни мустақил тарзда пухта ўзлаштириш кўникмаларига эга бўлиш; 
• керакли маълумотларни излаб топиш, уларнинг қулай усуллари ва воситаларини 
аниқлаш; 
• ахборот манбаларидан самарали фойдаланиш; 
• анъанавий ўқув ва илмий адабиётлар, меъёрий ҳужжатлар билан ишлаш; 
• электрон ўқув адабиётлар ва маълумотлар банки билан ишлаш; 
• интернет тармоғидан самарали фойдаланиш;
• берилган топшириқни мунтазам ва меъёрида бажариш; 
• маълумотлар базасини таҳлил этиш; 
• топшириқларни бажаришга тизимли ва ижодий ёндашиш; 
• натижаларни муҳокамага тайёрлаш ва кўрсатилган камчиликларни қайта ишлаш.
• ишлаб чиқилган ечим, лойиҳа ёки ғояни асослаш, мутахассислар жамоасида ҳимоя 
қилиш ва бошқалар. 
 

---

258
2§. Мустақил ишни ташкил қилишнинг шакллари, хусусиятлари ва 
тамойиллари 
 
Талабаларнинг мустақил ишини ташкил қилиш шакллари турлича бўлиб, уларни бир 
қисми ўқув режасида кўзда тутилган. Уни ҳар бир талаба бажариши шарт. Иккинчи 
қисми ихтиёрий, яъни талабалар ўз хоҳиши билан мустақил бажаришлари мумкин. 
Мустақил ишни ташкил этишнинг муҳим хусусияти, уни талабанинг ўзи 
ташкил қилади. Шунинг учун уни режалаштириш, вақтини рационал тақсимлашда 
талабага ёрдам лозим. 
Мустақил ишни бажариш учун талаба ўзиниўзи мажбур қилиши керак. Бунда 
ҳам субъектив омил асосий ўринда туради. Талабаларни мустақил ишини ташкил 
этишда ўқишни бошқа шаклларига ўхшаб, умумий принциплар мавжуд. Мустақил ишни 
шу принциплар асосида ташкил қилиш керак. Мустақил ишни ташкил этишда оддий 
элементар принципларни ўзлаштириш биринчи даражали аҳамиятга эга ва ана шу 
мураккаб жараённи тўлалигича қамраб олади. 
Ҳар бир талаба мустақил ишни ташкил этишни нимадан бошлаши керак? Унга 
қандай мақсад қўйилади? Иш қанча давом этади? Уни бажаришда қандай усуллардан 
фойдаланилишини аниқ кўз олдига келтира олишлари керак. Яна шуни ёддан чиқармаслик 
керакки, мустақил ишларни ташкил қилиш қоидалари ишлаб чиқилди дегани, бу ишни 
ташкил этилди дегани эмас. Мустақил ишни қандай бажаришни ҳар бир талабанинг ўзи 
ташкил этади. Мувафаққиятга эришиш учун талабанинг ўзи сабртоқат билан, 
машаққатлардан қўрқмай ўз устида ишлаши керак. Буни эса талабанинг ўзи 
режалаштиради ва амалга оширади. 
1. Мустақил ишни бажаришни ташкил қилишнинг асосий принципи унинг