Тошкент тиббиёт академияси ички касалликлар пропедевтикаси, гематология, хдт ва касб касалликлари кафедраси

5.4. Бронхоэктатик касаллик билан касалланган беморларни клиник текшириш усуллари.
a. Шикоятлари- сероз-шилликли-йирингли уч катламли балғам ёки йирингли балғам, баъзан чириган хидли балғамнинг суткасига 50 мл дан 500 мл гача ажралиши Билан кечадиган йўталга, кўпинча балғамда кон томирчалари булади. Йўтал хуружсимон, эрталаб кўпинча балғамнинг 2/3 кисми ажралади. Бу бронхларнинг “эрталабки ювиниши”дир. Беморнинг баъзи холатларида бронхларнинг дренаж функцияси яхшиланади. Бронхоэктазлар ўпканинг пастки булимларида жойлашганида балғам кийинчилик билан ажралади. Шунингдек кўкрак қафасида аниқ локализацияси булмаган огриклар пайдо бўлиши мумкин. Беморларнинг хар туртинчисида кон тупуриш аниқланади. Обструктив бронхит билан кечганда эса хансираш кузатилади. Ёндош шикоятлар булиб кучли терлаш, бушашиш, бош оғриғи, иштаханинг пасайиши, диспептик бузилшлар, уйку бузилиши, озиб кетиш хисобланади. Уткир даврда тана харорати кутарилади.
b.Anamnesis morbi, vitae .
Бемор болаликдан даврий балғамли йўтал булганини этади; болаликда тез-тез УРК, бронхитлар, пневмониялар,кизамик, Кукйўтал бошидан кечиргани; шамоллаш касалликларига мойиллиги аниқланади. Кўпгина холатларда аниқ ташхис болалик давридаёк қуйилади. Касалликнинг кайталаниши деярли хар йили куз бахор фаслларида кузатилади.
c.Кўздан кечириш - тери копламлари ва куринган шиллик каватларининг рангпарлиги, нафас етишмовчилиги ривожланганда-хансираш, цианоз. Бармок охири фалангаларининг кенгайиши (“Барабан таёқчалари”) ва тирноклар деформацияси (“Соат ойнаси шаклида”). Болаларнинг жисмоний ва жинсий ривожланишдан оркада қолиши. Кўкрак қафаси одатда, астеник конфигурацияда, кам ривожланган, бир томонлама зарарланган булса- асиметрик, зарарланган томон оркада колади.
d.Пальпация – бронхоэктазлар бир томонлама жойлашганда овоз дириллашининг кучайиши аниқланади.
e.Перкуссия-кам маълумот беради: перкутор манзара узгарувчан: аниқ ўпка товушдан то унинг кискаришигача ( эмфизематоз узгаришлар устида). Бир томонлама зарарланганда ушбу ўпканинг пастки чегараси харакатчанлигининг камайиши аниқланади.
f.Аускултация-бронхоэктазларнинг етакчи физикал белгисини аниқлашга ёрдам беради – тургун майда ва урта пуфакчали нам хириллашлар, зарарланган соха устида крепитация одатда дагал нафас фонида эшитилади. Зарарланган томонда бронхофония кучайган.