Toshkent tibbiyot akademiyasi miokard infarkti, atipik kechishi, asoratlari

Klinik belgilari. Miokard infarktida o‘tkir chap qorincha yetishmovchiligi 
ma’lum darajada yagona patologik jarayonning birin - ketin keladigan bosqichlari 
bo‘lgan uch xildagi klinik ko‘rinishda kechishi mumkin.
 
Yurak astmasi – o‘pkadagi interstisial shish hisobiga yuzaga keladi; 
 
 O‘pkani alveolyar shishi na faqat o‘pka parenximasini gemodinamik 
shishi, balki qon zardobi va eritrositlarni alveola bo‘shlig‘iga, keyin esa nafas 
yo‘llariga chiqishi bilan kechadi; 
 
Kardiogen shok- o‘ta og‘ir darajadagi chap qorincha yetishmovchiligi 
bo‘lib, unga to‘satdan yurakni qon otib berish hajmini keskin kamayishi hisobiga 
yaqqol namoyon bo‘lgan, aksariyat hollarda qaytmas periferik qon aylanishini 
buzilishi va arterial bosimni avj olib boruvchi pasayishi xos. Kardiogen shok ko‘p 
hollarda o‘pka shishi bilan birga keladi.
Yurak astmasi. U to‘satdan havo yetishmaslik hissi va hansirashdan 
boshlanib, qisqa vaqt ichida bo‘g‘ilish xurujiga o‘tadi. Bemor qo‘zg‘aluvchan va 
to‘shakda o‘tirgan holatda (ortopnoe) bo‘ladi. Bemorni tashqi qiyofasi ayanchli, 
nigohida qo‘rquv hissi mavjud bo‘ladi. Teri qoplami nam. Qisqa vaqt ichida sianoz 
ko‘payadi, teri va ko‘rinadigan shilliq qavatlar marmar tusiga kiradi. Nafas olishi 
tezlashgan va bir oz qiyinlashgan (inspirator hansirash). Ayrim hollarda nafas 
olishda yordamchi mushaklar qatnashadi. 
O‘pka ustida sustlashgan vezikulyar nafas asosida pastki bo‘laklarda bir oz 
mayda pufakchali jarangsiz nam xirillashlar eshitiladi. Ayrim holatlarda 
yakkalangan quriq xirillashlar ham aniqlanishi mumkin.

---

Perkussiyada chap qorincha dilatasiyasi hisobiga yurakni nisbiy chegarasi 
chapga siljiganligi aniqlanadi. Yurak tonlari bo‘g‘iqlashadi, YUUS bir daqiqada 
100-110 tagacha oshadi. Aksariyat hollarda yurak cho‘qqisida protodiastolik ot 
dupuri ritmi eshitiladi. Qon bosimi ko‘pincha pasayadi, lekin ayrim hollarda 
oshishi ham mumkin.