Toshkent tibbiyot akademiyasi miokard infarkti, atipik kechishi, asoratlari

Dressler sindromi. Dressler sindromi kasallikning 2-11 haftalarida 
bemorlarni 1-3 % da rivojlanib, plevrit, pnevmonit, perikardit belgilari bilan 
namoyon bo‘ladi. Bundan tashqari ularda isitmalash, poliartrit, poliserozit, 
eozinofiliya, ECHT ning oshishi kuzatilishi mumkin. Sindrom ko‘krak qafasida 
og‘riq bilan boshlanadi, keyinchalik tana xaroratini 38 - 40
0 
S gacha ko‘tarilishi, 
gidroperikard, gidrotoraks qo‘shiladi. Tashxislashda rentgen va ExoKG tekshirish 
usullari muhim ahamiyatga ega. Infarktdan keyingi sindrom 3 kundan 3 xaftagacha 
davom etishi mumkin. Bu asoratning asosida immun yallig‘lanish jarayoni 
yotganligi sababli, davolashda asosiy guruh dori vositalari bilan bir qatorda kichik 
dozada prednizolon (15-20 mg.) va NYAQD qo‘llash yaxshi samara beradi.

---

Surunkali yurak yetishmovchiligi. Surunkali yurak yetishmovchiligi – 
bemorlarda kichik va katta qon aylanish doiralarida dimlanish belgilari bilan 
namoyon bo‘ladi.
Prognozi. MI 30 % hollarda shifoxonagacha – shifoxonada bo‘lgan davrda va 
kasallikning birinchi soatlarida o‘lim bilan tugaydi. Kasalxona ichi o‘limi 
kasallikning birinchi 28 xaftasida 13-28 % bemorlarda kuzatiladi. MI dan keyingi 
birinchi yil davomida bemorlar o‘limi 4-10 % xolatda kuzatilib, shulardan 35 % ni 
65 yoshdan kattalar tashkil etadi. Pastki devor infarktida chap qorincha sistolik 
faoliyati saqlanganda erta trombolizis o‘tqazish, toj tomirlar o‘tqazuvchanligi 
tiklash, asetilsalisilat kislotasi, β- blokatorlar va AAFIni qo‘llash kasallik oqibatini 
yaxshilaydi. O‘z vaqtida reperfuziya (kechikib yoki umuman) o‘tqazilmasligi, chap 
qorincha sistolik faoliyati pasayishi, qorinchalar ritmi buzilishi, miokardni katta 
qismi nekrozga uchrashi, kasallik boshidan AB ko‘rsatgichlari past bo‘lishi, o‘tkir 
chap qorincha yetishmovchiligi belgilari paydo bo‘lishi va EKG da ishemiya 
belgilari uzoq saqlanib turishi yomon oqibatdan dalolat beradi.