Тошкент тў£имачилик ва енгил саноат институти

Bozor munosabatlariga o‘tishning milliy modeli: evolyusiyasi, xususiyatlari va ustuvor yo‘nalishlari.O‘zbekistonni bu iqtisodiy tanglikdan taraqqiyot yo‘liga chiqa­rish uchun, mamlakat iqtisodiy tizimini yangilash kerak edi, vaziyat eski mus­ta­bid-re­jali iqtisoddan yangi bozor iqtisodiga o‘tishni taqozo etardi. SHunday o‘ta og‘ir vaziyatda, Birinchi Prezident Islom Karimov O‘zbekiston rahbari etib saylanganining ertasi kuniyoq, 1989 yil 24 iyulda, hukumat majlisida nutq so‘zlab, respublikada vujudga kelgan o‘ta murakkab ijtimoiy-iqtisodiy vaziyatga ob’ektiv baho beradi va uning kelib chiqish sabablarini chuqur tahlil qilib, shunday mantiqiy xulosa chiqaradi: “Biz bundan buyon eskicha yasholmaymiz va bunday yashashga zamonning o‘zi yo‘l qo‘ymaydi”.Prezidentning bu xulosasida O‘zbekistonning istiqboli uchun har qanday sinov va mashaqqatlarni engib o‘tish, bu borada butun mas’uliyatni o‘z zimmasiga olishga tayyor ekani yaqqol ifodalangan.
Birinchi Prezident Islom Karimov rahbarligida O‘zbekistonning sharoiti va man­fa­­atlari hisobga olingan holda yangi dasturlar qabul qilindi. O‘zbekistonning yangi tarixida birinchi das­­tur 1990 yil oktyabr oyida O‘zbekiston SSR Oliy Sovetining uchinchi ses­siyasida qabul qilindi, u «O‘zbekiston xalq xo‘jaligini barqaror­lash­tirishning asosiy yo‘na­lish­la­ri va bozor iqtisodiga kirib bo­rish­ning tamoyillari», deb nomlanadi.
Bu hujjatda quyidagi chora-tadbirlar belgilandi:

• 
  aholini ijtimoiy himoyalashning davlat tizimini barpo etish;
  
• 
  respublika fuqarolarining hamjihatligini ta’minlash, millat­la­­r­aro do‘stona munosabatlarni mustahkamlash;
  
• 
  O‘zbekistonning boshqa respublikalar bilan bo‘ladigan iqtisodiy mu­­­no­sabatlarini teng huquqli va o‘zaro manfaatli asosda qayta qurish;
  
• 
  boshqarishdagi buyruqbozlik usulidan voz kechib, iqtiso­diy, ya’ni manfaatni hisobga oladigan boshqarish usullariga o‘tish;
  
• 
  moliya-kredit va soliq tizimini qayta ko‘rib, iqtisodiy taraq­qi­yot­­ni ta’minlovchi yangi moliyaviy vositalarni ishga solish;
  
• 
  turli-tuman mulkchilik va har xil xo‘jalik yuritishga o‘tish;
  
• 
  suveren va bevosita tashqi iqtisodiy aloqalarni o‘rnatish;
  
• 
  o‘z tabiiy va moddiy resurslariga tayangan holda ishlab chi­qa­rish­ni bir yoqlama rivojlanishiga chek qo‘yib, bu ishlarning kompleks borishini ta’­min­lash.
  

Dasturda yuqorida sanab o‘tilgan isloh tadbirlarini 3 bosqichda amal­­ga oshirish mo‘ljallangan edi: