Товарларни таснифлаш

таснифлаш хусусиятлари
Айрим турдаги товарларни божхона экспертизасидан ўтказиш жараёнида товарлар ҳақида божхона экспертлари ва божхона инспекторлари аҳамият бериши зарур бўлган қуйидаги маълумотларни келтириш мумкин:
ТИФ ТН бўйича 0405 – гуруҳда синфланадиган сариёғ маҳсулотининг асосий таркибий кўрсаткичлари қуйидагилар ҳисобланади:
-сариёғнинг таркибида эмульгаторнинг бор ёки йўқлиги, таркибида ош тузи, баъзи бир зарарсиз бактериялар, озиқ-овқат бўёқлари бўлиши каби кўрсаткичлар .
-сут ёғининг (молочный жир) ёғлилик даражаси 39% дан юқори бўлишлиги талаб этилади. Ушбу кўрсаткичларга мос келган маҳсулот сариёғ сифатида 0405 гуруҳда синфланади.
Таркибида эмульгатор, ўсимлик ва ҳайвон ёғидан, озиқ- овқат бўёқларидан иборат, ёғлилик даражаси 15­% гача бўлган маҳсулотлар ТИФ ТН га биноан 1517- гуруҳда яъни, маргарин сифатида синфланади.
170410-товар позициясида синфланадиган резина сақич (жевательная резинка) таркиби 60% дан кўп сахароза ва турли хил таъм берувчилардан иборат бўлади. Агар таркиби турли хил озиқ-овқат қўшимчасидан иборат бўлса, 2106 товар гуруҳида синфланади.
170111-товар позициясида синфланадиган шакар, шакар қамиш хом-ашёсидан тайёрланган бўлади.
170112-товар позициясида синфланадиган шакар қанд лавлагисидан тайёрланган бўлади.
170490-товар позициясида оқ шоколад ва конфетлар синфланади.
1806-товар гуруҳида шоколад ва конфетларнинг таркибида какао бўлган турлари синфланади.
2204-товар гуруҳидаги вино ва спиртли ичимликлар таркибидаги спиртнинг миқдори ва идишнинг ҳажми бўйича синфланади.
220710-товар позициясида денатурация қилинмаган, тозаланган, исътемолга яроқли спирт синфланади.
220720 -товар позициясида эса денатурация қилинган техник спирт синфланади.
2710-товар гуруҳида бензин таркибида қўрғошиннинг миқдори 0,013 г\л кам ёки кўп, ҳамда октан сонининг 95-98 оралиқдаги турлари таснифланади.
3003-товар гуруҳида дори воситаларининг дозировка қилинмаган, сотувга чиқаришга тайёр бўлмаган ва бир хил компонентли турлари синфланади. Илованинг 7-жадвалида баъзи муҳим товарларнинг ТИФ ТН бўйича таснифланиши келтирилган.