Tovush kamchiliklari

1 2 3 4

Bog'liq
Dislaliya ishlanma

TOVUSH HAQIDA TUSHUNCHA

Tabiiy ko’zga ko’rinmas holatlarni biz his qilishga harakat qilamiz. Tovush ham ko’rinmas bo’lib, eshitish, tushunish ya’ni anglash va his qilish orqali hayotimizda mavjud.
Har bir tovushning alohida o’z ma’yori mavjud bo’lib, ma’yoriga yetkazmasdan talaffuz qilingan har qanday noto’g’ri tovushni tinglovchi aniq payqaydi. Tovushlarning noto’g’ri talaffuzi natijasida gap mazmuni o’zgarib ketadi, so’zlovchining maqsadini tinglovchi tushunmasligi mumkin. Tovushlarning me’yoridagi talaffuzi hayotimizda muhim o’rin egallaydi.

Har qanday bola birinchi so’zini noaniq, ba’zi tovushlar o’rniga boshqasini qo’llab ilk bora atrofdagilarga murojaat qiladi. Kundan-kunga to’g’ri nutqni o’zlashtirgan bola me’yorda 4,5-5 yoshga yetganda nutqi to’liq rivojlangan hisoblanadi. Ushbu yoshgacha bo’lgan boladagi noto’g’ri talaffuzni faqat taqlid orqali rivojlantirish zarur. Chunki, 2,5-3-4 yoshli boladagi noto’g’ri talaffuzning asosiy sababi anatomik o’sib rivojlanmaganlik sabab bo’lishi mumkin. Ya’ni til muskullarinig shakllanmaganligi, jag’ tishlarinig o’smaganligi, lablarni kerakli holatga keltira olmaslik vaqtinchalik sabab bo’lib, bola o’z rivojlanishi jarayonida me’yorga kelishi uchun taqlid usulidan foydalanish kifoya.

Dislaliya nutq apparat inertsiyasi saqlangan va eshitishi normada bo’lganda tovushlar talaffuzidagi kamchilikdir.
Nutqda tovushlarning yo’qligi, tovushlarni bir-biridan farqlay olmaslik yoki boshqa tovushlar bilan almashinishi kuzatiladi.
Dislaliya, nutq buzilishlari ichida eng ko’p tarqalgan tashxisdir.

Do'stlaringiz bilan baham:

1 2 3 4