Transport logistikasi ta’lim yo‘nalishi talablarining kasbiy faoliyat turlaridan kelib chiqib kompetensiyalarini belgilash qarshiboyev Sharof Egamnazarovich, Jizzax politexnika instituti, Jizzax

1-rasm. Kasbiy faoliyat turlari
Transport logistikasi (avtomobil transporti) ta’lim yo‘nalishi bo‘yicha Milliy malaka ramkasining 6-malaka darajasi hamda bakalavr kasbiy faoliyatlarining sohalari, ob’ektlari va turlariga muvofiq bakalavriyat bitiruvchisi bir qancha kasbiy vazifalarni bajarishga qodir bo‘lishi lozim. Biz bu vazifalarni faoliyat turlari bo’yicha guruhlarga ajratib chiqdik. Bo’lajak transport muhandislarining tashkiliy-boshqaruv, ishlab chiqarish, xizmat ko‘rsatish hamda axborot-tahliliy faoliyatlardagi kasbiy vazifalari va ilmiy-tadqiqot hamda tadbirkorlik faoliyatlaridagi vazifalari (1.1-jadval) ni keltirib o’tamiz.
1-jadval
Bo’lajak transport muhandislarining tashkiliy-boshqaruv, ishlab chiqarish va xizmat ko‘rsatish hamda axborot-tahliliy faoliyatlardagi kasbiy vazifalari

Tashkiliy-boshqaruv hamda ishlab chiqarish va xizmat ko‘rsatish faoliyatida:

Axborot-tahliliy faoliyatda:

transport logistikasining asosiy tamoyillarini qo‘llash; barcha (avtomobil, temir yo‘l va havo) transporti vositalari ishini tashkil etish va boshqarish; yuk tashishda logistikaning zamonaviy xizmat turlaridan foydalanish; barcha turdagi transport ishiga tezkor rahbarlik qilish barcha turdagi transportda yuk va yo‘lovchilarni tashish ishlarini tashkil etish; yuklarni ortish va tushirish ishlarini tashkil etish; tashish jarayonida foydalaniladigan transport va texnika vositalarini tanlash; turli transport korxonalarining, logistik markazlarning, yuk terminallarining, konteyner maydonlarining ishini tashkil etish; barcha turdagi transportda yuk tashishning yagona texnologik texnologik jarayonlarini ishlab chiqish; transport vositalari harakati grafigini ishlab chiqish va uning bajarilishini nazorat qilish; tashiladigan yuklarning sifatli saqlashini ta’minlash; transport oqimlarining xavfsiz xarakatlanishini intelektual texnologiyalar yordamida tashkil etish va boshqarish; atrof-muhitni muhofaza qilish va mehnat xavfsizligi talablariga mos kelishi borasida logistik jarayonlarini nazorat qilish; transport xizmatlarini ko‘rsatish korxonalariga investitsiyalar jalb qilish mexanizmlarini qo‘llash, investitsion loyihalarni ishlab chiqish va boshqarish.

tashish jarayonlarini tashkil etish uchun transport korxonalarining tashqi va ichki muhiti omillari to‘g‘risida ma’lumotlarni to‘plash, qayta ishlash va tahlil qilish; qaror qabul qilish, logistik jarayonlarini rejalashtirish va boshqarish uchun ma’lumot to‘plash, korxonalarning ichki axborot tizimini yaratish va uning ishlashini boshqarish; -transport korxonasining ichki hujjat aylanishi tizimini ishlab chiqish va boshqarish, tashkilotlar faoliyatining turli ko‘rsatkichlari bo‘yicha ma’lumotlar bazasini yuritish; loyihalar samaradorligini baholash; transport oqimlari xarakatini intelektual-axborot texnologiyalar asosida tashkil etish va boshqarish; boshqaruv qarorlarining samaradorligini baholash.