Тренинг шамсиддинов Ботиржон Нуриддинович Андижон 2023 Кириш

Реакция – (лот. рe – қарши, acтиoн – ҳаракат) психология ва физиологияда ички ва ташқи муҳитнинг турли таъсирларига аъзоларнинг жавоб қайтариши.
Релаксация – одамдаги жисмоний зўриқишнинг психик кескинлиги тугаши натижасида бўладиган тинчлик, осойишталик ҳолати.
Ролли ўйин – турли ижтимоий ролларни бажарувчи кишилар орасидаги муносабатларни мувофиқлаштиришга қаратилган машқлар мажмуасидир.
Суст ҳулқ – ўз ҳуқуқларини ҳимоя қилмайдиган, ўзгалар фикрига ён берувчи ва уларни юқори қўювчи ҳулқ – атвор.
“Танишув” ўйини – гуруҳнинг барча аъзоларини ҳар жиҳатдан қулай, дадил тутишлари ва ўзаро ишонч ҳосил қилишга қаратилган машқ.
Тренинг – шахсда мавжуд бўлган ёки вужудга келадиган муаммоларни ҳал қилиш учун зарур бўлган билим, кўникма, малакаларни ҳосил қилиш мақсадида баҳс-мунозара, ўйин, машқлар орқали ўтказиладиган машғулотлар йиғиндиси.
Тренинг гуруҳ – шахслараро муносабатлар тизимида унинг аъзоларига таъсир кўрсатиб, уларда мулоқот малакасини ва ўзаро таъсирини ривожлантиришга қаратилган қисқа муддатли машқ тури.
Тренер – тренинг машғулотларини ташкил этиб, бу жараённи бошқарувчи шахс.
Усул – бирор – бир фаолиятни бажаришнинг йўл-йўриғи.
Фаоллик – тирик материянинг умумий хусусияти, теварак – атрофдаги мухит билан ўзаро таъсирда бўлишида намоён бўлади.
Флипчарт қоғози – тренинг жараёнида қўлланиладиган махсус қоғоз.
Шахс – ижтимоий муносабатларга киришувчи ва онгли фаолият билан шуғулланувчи одам.
“Шу ерда ва ҳозир” – гуруҳдаги муомала – муносабат машғулот жараёнига бевосита алоқадор, яъни ҳозирги замонга боғлиқ бўлиши лозим.
Эмоция – (лот.eмoвeк – уйғотиш, тўлқинлантириш) одамларнинг субъектив ифодаланган ички ёки ташқи қўзғатувчилар таъсирига жавоб реакцияси.
Эмоционал таъсирчанлик – ўйинни бошлаш учун қилинадиган таклифларни жонли, қувноқ тарзда айтилиши ва иштирокчиларни ҳаракатларга келтириш жараёни.
Эмпатия – (юнон eмпaтҳиa - биргаликда дардлашмоқ) бошқа одамларнинг психик ҳолатларини тушуниш ва уларга ҳамдардлик қилиш қобилияти.
“Ягона микрофон” – бир иштирокчи сўзлаганда, бошқалар унга диққат билан қулоқ солиши ва гапини бўлмаслиги, бирғбирининг шахсини ҳурмат қилиши.
Ўйин – кишиларнинг иш – ҳаракатларини, одамлар ўртасидаги ўзаро муносабатларни акс эттиришда ифодаланган ва теварак – атрофдаги борлиқни билишга қаратилган фаолият.