Türkmenistanyň bilim ministrligi türkmenistanyň milli bilim instituty

Umumy himiýa

Umumy himiýa boýunça okuwçylaryň başarnyklaryna we bilimlerine bolan esasy talaplar.

1. Nazaryýet okuw maglumatlaryny özleşdirmäge bolan talaplar
Atomda elektronlaryň hereketini, kwant sanlar barada düşünjäni, atomlarda elektronlaryň gatlaklar we orbitallar boýunça paýlanylyşyny, maddalaryň gurluşyny, himiki baglanyşyklary, olaryň görnüşlerini, emele geliş mehanizmlerini, kompleks birleşmeleri, dispers sistemalary, himiki reaksiýalaryň görnüşlerini, tizligine täsir edýän şertleri, metallaryň we metal dälleriň, dökünleriň umumy häsiýetnamasyny, erginler, himiki analiziň başlangyçlary baradaky maglumatlary, ýokary molekulýar birleşmeler we ýurdumyzyň himiýa senagat kärhanalarynda öndürlýän önümler we olaryň esasynda ýatýan himiki reaksiýalary çuňňur bilmegi başarmalydyr.
Türkmenistanyň Prezidenti hormatly Gurbanguly Berdimuhamedowyň kitaplaryndaky we “Paýhas çeşmesi” atly kitapdaky ekologik meseleler baradaky atalar sözüni, nakyllary we beýleki parasatly sözleri bilmek.
2.Himiki dili özleşdirmäge bolan talaplar
Ýadro reaksiýalaryň deňlemelerini, kompleks birleşmeleriň himiki formulasyny, olary atlandyrmagy, öwrülişikli we öwrülişiksiz, termohimiki, okislenme-gaýtarylma reaksiýalaryň, elektrolitik dissosiasiýa deňlemelerini, molekulýar we ion deňlemelerini düzmegi, himiki reaksiýanyň tizligini ýazmagy başarmak.
3.Himiki tejribäni ýerine ýetirmäge bolan talaplar
Himiki maddalar we enjamlar bilen işlemeklik düzgüniniň howpsuzlygyny berjaý etmek. Erginleri taýýarlamagy, wodorod görkezijini pH kesgitlemegi, kationlary we anionlary hil we taýdan kesgitlemegi, ýokary molekulýar birleşmeleri tanamagy başarmak.
4.Hasaplama meseleleri çözmäge bolan talaplar
Himiki reaksiýalaryň tizligini, himiki deňagramlygyny, ýylylyk effektini, dökünleriň ýokumlylyk derejesini, dürli konsentrasiýaly erginleri, elektrolitik dissosiasiýany, dissosiasiýa derejäni we hemişeligi, erginiň pH kesgitlemegi başarmak.