Türkmenistanyň bilim ministrligi türkmenistanyň milli bilim instituty

Hasaplamaga degişli meseleler (2 sagat)
Tema degişli mysallar we meseleler
Barlag işi №4 (1 sagat)

Himiki önümçilik we ekologiýa (8 sagat)

Dökünleriň umumy häsiýetnamasy. Dökünleriň toparlara bölünişi: organiki, organomineral, mineral, we bakterial dökünler. Dökünleri ulanmagyň kadalary.
Karbamid önümçiliginiň tehnologiýasy. Şeker önümçiliginiň tehnologiýasy. Kagyz önümçiligi. Azot we kükürt kislotalarynyň önümçilikleri. Türkmenistanyň Prezidentiniň daşky gurşawy gorap saklamak barada alyp barýan syýasaty we türkmen halkynyň milli medeni mirasy.
Himiki önümçiligiň taşlandylarynyň we zyňyndylarynyň daşky gurşawa täsiri.
Çig mal we mineral resurslar, olaryň gaýtadan işlenilişi. Daşky gurşawyň hapalanmagynyň we klimatyň üýtgemeginiň meseleleri. Çig maly toplumlaýyn gaýtadan işlemek, zyňyndylary ikilenji gezek gaýtadan işlemek, himiki önümçilikleriň tehnologiýalaryny kämilleşdirmek. Klimatyň üýtgemeginiň meselesini çözmekde himiýanyň orny.
Taşlandysyz we zyňyndysyz işleýän zawodlaryň önümçilige ornaşdyrylmagy. Taşlandy suwlaryň arassalanyşy. Daşky gurşawy gorap saklamak.
Geçilen materiallary gaýtalamak (4 sagat)
Metallaryň umumy häsiýetleri. Metal dälleriň umumy häsiýetleri. Mukdar we hil analizi. Türkmenistanyň himiýa senagatynyň ösüşi we geljegi.

Х SYNP

Umumy himiýa

(hepdede 4 sagat, jemi 136 sagat, şolardan 4 sagat ätiýaçlyk üçin)

IX synpyň esasy maglumatlaryny gaýtalamak (4 sagat)

Uglewodorodlar. Kislorod saklaýan organiki maddalar. Azotly organiki maddalar.
Türkmenistanyň Prezidenti hormatly Gurbanguly Berdimuhamedowyň eserlerinde we “Paýhas çeşmesi” atly kitapda ylym, bilim, ylmy öwrenmegiň ähmiýeti baradaky atalar sözi, nakyllar we beýleki parasatly sözler.

Atomyň gurluşy baradaky nazaryýet. Atomyň gurluş nazaryýetiniň esasynda himiki elementleriň D.I. Mendeleýew tarapyndan açylan periodik kanuny we periodik sistemasy (32 sagat) .

Atom ýadrosynyň düzümi we gurluşy. Izotoplar. Radioaktiwlik. Radioaktiw şöhleler we olaryň janly organizmlere ýaramaz täsiri.
Ýadro reaksiýalary barada düşünje. α, β we γ – şöhlelenmeler. Ýadro reaksiýalarynyň ulanylyşy.
Atomyň gurluşynyň kwant nazaryýeti. Atomda elektronlaryň hereketi. Elektronlaryň ikileýin tebigaty. Kwant sanlary barada düşünje. Atom orbitallary. Atomlaryň elektron gabygynyň gurluşy. Elektron gabygynyň elektronlar bilen doldurylyşynyň düzgünleri. Atomlaryň esasy we oýandyrylan ýagdaýlaryndaky elektron konfigurasiýalary.
Atomyň gurluş nazaryýetiniň esasynda himiki elementleriň häsiýetleriniň üýtgeýişindäki periodikligiň düşündirilişi. Periodik kanun. Himiki elementleriniň periodik sistemasy. Atomlaryň häsiýetleri. Atom we ion radiuslary. Atomlaryň otnositel elektrootrisatellikleri.
Walentlilik. Atomlaryň walent mümkinçilikleri. Walentliligiň we okislenme derejesiniň deňeşdirme häsiýetnamasy-24 sagat.