Türkmenistanyň bilim ministrligi türkmenistanyň milli bilim instituty

Dilden berilýän jogaba baha bermeklik.
“5” – baha aşakdaky ýagdaýlarda goýulýar:
jogaplar doly we dogry bolanda
jogaplar sada we yzygiderlikli beýan edilende
jogaplar özbaşdak öz düşünjesi bilen düşündirilende.
“4” – baha:
-öwrenilen teoriýa esasynda jogaplar doly we dogry bolanda
-material belli bir yzygiderlikde beýan edilende
-bir iki düýpli däl ýalňyşlyklar goýberlende
-mugallymyň talaby bilen düzedilen ýalňyşlyklar bolanda.
“3” – baha:
-jogaplar doly bolup ýöne şonda düýpli ýalňyşlyklar goýberilende
-jogaplar doly däl we baglanşyksyz bolanda
-jogap berlende okuw materialynyň esasy mazmunyna düşünmezlik ýüze çykanda ýa-da düýpli ýalňyşlyklar goýberlende, olary okuwçy, mugallymyň ugrukdyryjy soraglaryndan hem soň düzedip bilmese.
“2” baha:
-okuw materialynyň manysyna düşünmän jogap berilende ýa-da mugallym tarapyndan okuwça ugrukdyryjy sorag berilende hem dogry jogap berip bilmedik ýagdaýlarynda.
Eksperimental başarnyklara baha berilişi.
Baha okuwçylara gözegçilik edip, edilen işlerine ýazuw üsti bilen hasabat berişleri esasynda goýulýar.
“5” – baha:
-iş doly we dogry ýerine ýetirilende. Dogry gözegçilikler we netijeler çykarlanda.
eksperiment (synag) meýilnama boýunça ýerine ýetirilende, tehniki howpsuzlygyň düzgüni doly berjaý edilende hem-de maddalar we abzallar bilen işlemekligiň düzgüni doly berjaý edilende.
-guramaçylyk zähmet endigi bar bolanda (iş orny arassa we iş stolynyň üsti tertipli saklananda,maddalar tygşytly peýdalananda) .
“4” – baha:
-iş dogry ýerine ýetirilende, dogry gözegçilikler we netijeler çykarylanda, eksperiment doly geçirilmese ýa-da maddalar we abzallar bilen işlenilende düýpli däl ýalňyşlyklar göýberlende.
“3” – baha:
-edilmeli işiň ýarysyndan az bolmadyk möçberi ýerine ýetirilende ýa-da eksperimentiň gidişinde, düşündirişde, işiň gurluşynda, maddalar we abzallar bilen işlenilende, howpsuzlyk tehnikasynyň düzgünleri ýerine ýetirilen düýpli ýalňyşlyklar göýberilende, ol göýberilen ýalňyşlyklar mugallymyň talaby boýunça düzedilende.
“2” – baha:
-eksperimentiň gidişinde, düşündirilende, işiň gidişi ýazylanda, maddalar we abzallar bilen işlenende, howpsuzlyk tehnikasynyň düzgünleri ýerine ýetirilende iki ýa-da ikiden hem köp düýpli ýalňyşlyklar göýberilende, ol ýalňyşlyklar mugallymyň talaby boýunça hem düzedilmese.