U. ǴAfurov, Q. Sharipov

Ózbekstan Respublikası Puqaralıq kodeksi, 24-statya.
Yuridikalıq shaxs nızam hújjetlerinde belgilengen tártipte 
mámleket diziminen ótkeriliwi kerek. Mámleket diziminen ótkeriw 
haqqındaǵı maǵlıwmatlar hámmeniń tanısıp shıǵıwı ushın ashıq 
bolǵan yuridikalıq shaxslardıń birden-bir mámleket reestrine 
kirgiziledi.
Ózbekstan Respublikası Puqaralıq kodeksi, 44-statya.
Ózbekstanda 2017-jıl 1-aprelden baslap isbilermenlik subyektleriniń 
mámleket diziminen ótiwi boyınsha jańa tártip háreket etpekte. 
Qararǵa muwapıq isbilermenlik subyektlerin mámleket diziminen 
ótkeriw olarǵa «Bir ayna» principi boyınsha mámleket xızmetlerin 
kórsetiw birden-bir orayları tárepinen ámelge asırıladı.
«Bir ayna» principi — xalıq hám kárxanalar tárepinen arnawlı 
basqarmalarǵa múrájáát etiw arqalı hár túrli mámleketlik 
xızmetlerinen paydalanıw.
Demek, isbilermenlik xızmetin mámleket diziminen ótkeriw ushın, 
birinshi gezekte, «Bir ayna» oraylarına múrájáát etiw talap etiledi.
«Bir ayna» — xalıq hám kárxanalarǵa hár túrli mámleketlik 
xızmetlerin kórsetiw, sonıń ishinde isbilermenlik xızmetin 
mámleketlik dizimnen ótkeriw menen shuǵıllanıwshı arnawlı 
basqarma.
Siziń múrájáátińiz eki túrli jol menen ámelge asırılıwı múmkin:
1. Dástúrlik tárizdegi múrájáát — dizimnen ótkeriwshi organǵa 
kelgen jaǵdayda isbilermenlik subyektin mámleketlik dizimnen 
ótkeriw.
2. Onlayn tárizdegi múrájáát — Internet jáhán málimleme 
sisteması arqalı dizimnen ótkeriw.

---

68
DÁSTÚRLIK TÁRIZDEGI MÚRÁJÁÁT
Eger siz óz isbilermenlik xızmetińizdi dizimnen ótkeriw ushın 
tiyisli basqarmaǵa kelseńiz, bul dástúrlik tárizdgi múrájáát esaplanadı. 
Bunda dizimnen ótkergenligi ushın mámleket bajısın (eń kem is 
haqınıń bir esesi muǵdarında) tólewińiz, tiyisli qaǵaz hújjetlerdiń 
tiykarǵı nusqaların beriwińiz hám arza toltırıwıńız kerek.