Учебное пособие для вузов. Т.: Тфи, 2019. с. A. S. Djuraev- doctor of Economics, Professor of the Department of «Taxes and Taxation»
Ayrim xorijiy davlatlar (AQSh, Frantsiya, Buyuk Britaniya
Download 4.14 Mb. Pdf ko'rish
|
SOLIQ MA‟MURCHILIGI OQUV QOLLANMA
2.
Ayrim xorijiy davlatlar (AQSh, Frantsiya, Buyuk Britaniya, Shvetsiya) da soliq ma‟murchiliginini amalga oshirishning o‟ziga xos xususiyatlari. O‘zbekistonda soliq ma‘murchiligi fanini rivojlantirishda xorij tajribasining qo‘llanilishi zaruriy elementlardan biri bo‘lib xizmat qiladi. Jahon moliyaviy- iqtisodiy inqirozi va inqiroz davridan keyingi sharoitlarda soliq qonunchiligi masalalarining soddalashtirilishi, soliq rejimlari va soliq stavkalarning, shuningdek soliq imtiyozlari soni va salmog‘ining kamayishi holatlari kuzatiladi. Dunyoning rivojlangan mamlakatlarida soliq ma‘murchiligining takomillashtirilishi tobora soliq to‘lovchilar va ularning manfaatlari ko‘zlagan holda amalga oshirilmoqda. Ayrim davlatlar soliq nazoratini mustahkamlash va takomillashtirish yo‘lidan borayotgan bo‘lsa, boshqa birlari esa soliq to‘lovchilarga har tomonlama ko‘mak berish orqali hamkorlik ―aloqalari‖ni o‘rnatishga harakat qilinmoqda. Masalan, AQShda soliq to‘lovchi bilan soliq ma‘murlari o‘rtasidagi munosabatlar axborot xatlari asosida amalga oshiriladi. Frantsiyada soliq organi bilan soliq to‘lovchi munosabatlari fikrlar almashinuvi doirasida, har bir tomon o‘zining haqligini himoya qilgan holda yuzaga keladi. Joriy va hisobot natijalari bo‘yicha soliq deklaratsiyalari auditorlar va mustaqil soliq maslahatchilari tomonidan tuziladi. Qo‘shimcha soliq hisoblash administrativ tarzda o‘tkaziladi, agar soliq idorasi tomonidan katta miqdordagi soliq to‘lanmaganligi aniqlansa, sezilarli jarima sanktsiyalari qo‘llash uchun asos bo‘ladi. Agar tekshiruv natijasida soliq to‘lovchi tomonidan ortiqcha soliq to‘lagani aniqlansa, soliq summasi foiz ustamalari bilan qaytariladi. Frantsiyada soliq kodeksining tegishli moddalari soliq to‘lovchining yashash tarzidan kelib chiqqan holda uning olishi mumkin bo‘lgan daromadlarini belgilab beradi.Masalan, soliq to‘lovchi ma‘lum kadastr qiymatiga ega bo‘lgan uyga ega 293 bo‘lsa va uni ijaraga bergan taqdirda, uning daromadi uyning ijara haqining besh baravari miqdorida aniqlanadi. Agar soliq to‘lovchining uy xizmatkori mavjud bo‘lsa, uning yillik daromadi 30 ming frankka tenglashtiriladi, yangi avtomobil olgan taqdirda avtomobil qiymatining 75%dan kelib chiqqan holda daromadi aniqlanadi va belgilangan tartibda soliqqa tortiladi. Agar soliq to‘lovchi tasarrufida uy, avtomobil va uy xizmatkori bo‘lsa, yuqoridagi daromad miqdorlari qo‘shilgan holda soliq olinadi. Shvetsiyada soliq ma‘murchiligini isloh qilish ―yagona deklaratsiya - yagona hisob raqami – yagona manzil (to‘lov shakli)‖ tamoyili asosida olib boriladi. Shvetsiyaning barcha fuqarolari soliq idoralarida, ichki ishlar organlarida ro‘yxatdan o‘tgan yagona fiskal raqamga egalar. Bundan tashqari, soliq idoralarining ko‘chmas mulk ob‘ektlarini hisobga olishning yagona bazasiga to‘g‘ridan to‘g‘ri kirish vakolati mavjud. Amerika Qo‘shma Shtatlarida soliq idoralari ularning funktsional belgilari asosida tuzilgan. Ichki daromadlarning tashkiliy qo‘mitasi soliq ma‘murchiligining to‘rtta ustuvor yo‘nalishidan kelib chiqqan holda tashkil etilgan: 1) ish haqi va investitsiyalar; 2) kichik biznes 3) yirik va o‘rta biznes; 4) soliq imtiyozlari (chegirmalari) va davlat korxonalari. Bundan tashqari, ushbu xizmat tuzilmasi tarkibida boshqa normativ va ma‘murchilik vazifalarini bajaruvchi bo‘linmalar ham faoliyat yuritadi. Xususan, jinoyat qidiruv, soliq to‘lovchilarga xizmat ko‘rsatish (soliq advokati xizmati), tashqi aloqalar, axborot texnologiyalari, moliya va kadrlar xizmati bo‘linmalari shular jumlasidandir. Germaniya Federativ Respublikasi federal soliq xizmatida xalqaro va milliy soliqqa tortish masalalari bilan shug‘ullanuvchi soliq va nazorat bo‘linmalari mavjud. Bu o‘rinda soliq departamentlari aniq belgilangan funktsional tarkibga ega. Ularning tarkibiga soliq to‘lovchilarni ma‘lumotlar bilan ta‘minlash va hisobga olish, soliq siyosatini amalga oshirish bo‘yicha, turli xalqaro tashkilotlar bilan aloqalar o‘rnatish bo‘limlarini kiritish mumkin. Nazorat xizmatlarining ichki tarkibiy tuzilmasi ixtisosligidan kelib chiqqan holda shakllantiriladi. Masalan, korporatsiyalar foyda solig‘i bo‘yicha qonunchilikni amalda qo‘llashga 294 ixtisoslashgan (Korperschqftsteuer), ish haqi va daromad solig‘i bo‘yicha qonunchilikka ixtisoslashgan (Lohnsteuer), (Einkommensteuer), hunarmandchilik solig‘i bo‘yicha (Gewerbesteuer) bo‘limlar tashkil etilgan. Buyuk Britaniyada Ichki daromadlar va bojxona bojlari xizmatining tarkibi ixtisoslashgan bo‘linmalardan tashkil topgan. Uning tarkibida daromad va kapitalni soliqqa tortishni tashkil etuvchi, egri va ekologik soliqlarni, bojxona bojlari va yig‘imlarni, ijtimoiy sug‘urtaga majburiy to‘lovlarni yig‘ishni tashkil etuvchi bo‘limlar mavjud. Shunday qilib, soliq organlarini ishini tashkil etishda aniq belgilangan yondashuv mavjud emasligi yuqoridagi misollardan ko‘rinib turibdi. Ko‘p hollarda soliq tizimi idoralari tarkibi tarixiy taraqiyotdan, mavjud an‘analardan va har bir davlatning soliq ma‘murchiligini ustuvor yo‘nalishlaridan kelib chiqqan holda tashkil etiladi. Yuqorida ko‘rib o‘tgan davlatlarda nisbatan iqtisodiy va siyosiy barqarorlik hukm surishiga qaramasdan, bu davlatlar uchun davlat boshqaruvi tizimini isloh qilib borish xarakterlidir. Islohotlar va o‘zgarishlar jarayoni hozirgi davrda ham davom etmoqda. Boshqa bir qator o‘zgarishlar bilan birga, korporativ boshqaruv tizimidan davlat boshqaruviga ilg‘or natijalarni qo‘llanilishi bu borada ijobiy natijalar berishi shubhasiz. Download 4.14 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling