Ҳужжат кучини йўқотган

40821 Сотиб олинган суд жараёнидаги векселлар бўйича фоизли даромадлар
Юқорида кўрсатилган баланс ҳисобварақлари хусусияти бўйича бир хил бўлганлиги учун уларнинг таърифлари умумлаштирилиб берилмоқда.
Ҳисобварақнинг таърифи: банкнинг сотиб олинган векселлар (экспорт билан боғлиқ ҳужжатсиз ва ҳужжатли векселлар, маҳаллий векселлар, муддати ўтган ва суд жараёнидаги векселлар) бўйича фоизли даромадлари ҳисоби олиб борилади.
Ҳисобварақнинг кредитида сотиб олинган векселлар бўйича ишлаб топилган даромад, дисконтнинг амортизация суммалари акс эттирилади.
Ҳисобварақнинг дебетида нотўғри ҳисобланган ва/ёки олинган даромадларнинг қайтариш суммаси, шунингдек молиявий ҳисобот йилининг охирида банкнинг молиявий натижаси сифатида 31206 — «Соф фойда (зарар) (актив-пассив)» ҳисобварағига ўтказиладиган даромадлар ва мукофотнинг амортизация қилинган суммаси акс эттирилади.
41000 Мижозларнинг мажбуриятлари бўйича ҳисобланган фоизлар
41001 Мижозларнинг мажбуриятлари бўйича фоизли даромадлар — Импорт билан боғлиқ векселлар
41005 Мижозларнинг мажбуриятлари бўйича фоизли даромадлар — Траст ҳужжатлари асосидаги импорт билан боғлиқ векселлар
41009 Мижозларнинг мажбуриятлари бўйича фоизли даромадлар — Траст ҳужжатлари асосидаги маҳаллий векселлар
41013 Муддати ўтган импорт билан боғлиқ векселлар ва акцептлар бўйича фоизли даромадлар
41017 Муддати ўтган маҳаллий векселлар ва акцептлар бўйича фоизли даромадлар
41021 Суд жараёнидаги импорт билан боғлиқ векселлар бўйича фоизли даромаддар
41025 Суд жараёнидаги маҳаллий векселлар бўйича фоизли даромадлар
Юқорида кўрсатилган баланс ҳисобварақлари ўз хусусиятлари бўйича бир хил бўлганлиги учун уларнинг таърифи умумлаштириб берилмоқда.
Ҳисобварақнинг таърифи: банкнинг вексел ва акцептлар (экспорт билан боғлиқ бўлган векселлар, траст ҳужжатлари билан кафолатланган векселлар, муддати ўтган ва суд жараёнидаги векселлар) асосида мижозлар мажбуриятлари бўйича фоизли даромадлари ҳисоби олиб борилади.
Ҳисобварақнинг кредитида аккредитив ва/ёки траст ҳужжатлари билан кафолатланган тратталар асосидаги мижозларнинг мажбуриятлари бўйича ишлаб топилган фоизли даромадлар суммаси акс эттирилади.
Ҳисобварақнинг дебетида нотўғри ҳисобланган ёки олинган даромадларнинг қайтариш суммаси, шунингдек молиявий ҳисобот йилининг охирида банкнинг молиявий натижаси сифатида 31206 — «Соф фойда (зарар) (актив-пассив)» ҳисобварағига ўтказиладиган даромадлар суммаси акс эттирилади.