Uluqov Nosirjon

 
 
 
 

---

25 
VII. Avtoreferat tayyorlash va uning asosiy talablari 
 
Dissertatsiya ishi bo‘yicha magistrantlar qisqa mazmunli 
avtoreferat chop etishlari kerak. Avtoreferatda dissertatsiyada erishilgan 
asosiy ilmiy natijalar aks ettirilishi lozim. 
Avtoreferatda dissertatsiyaning umumiy tavsifi (dissertatsiya 
mavzusining asoslanishi va uning dolzarbligi, tadqiqot obyekti va 
predmetning belgilanishi, tadqiqot maqsadi va vazifalari, tadqiqotning 
asosiy masalalari va farazlari, mavzu bo‘yicha qisqacha adabiyotlar 
tahlili, tadqiqotda qo‘llanilgan uslublarning qisqacha tavsifi, tadqiqot 
natijalarining nazariy va amaliy ahamiyati, tadqiqqotning ilmiy 
yangiligi, dissertatsiya tarkibining qisqacha tavsifi), dissertatsiyaning 
asosiy mazmuni (tadqiqotning uchta bobi bo‘yicha erishilgan umumiy 
ilmiy natijalar), xulosa (tadqiqotning erishilgan xulosalar, ilmiy taklif va 
amaliy tavsiyalar) bayon etiladi. 
Avtoreferat A4 formatdagi varaqda 1 intervalda yozilishi lozim, 
har bir bet hoshiyasi: yuqoridan, pastdan, o‘ngdan va chapdan 2 sm 
bo‘lishi, xatboshi 1 sm o‘lchamda bo‘lishi lozim. 
Avtoreferat matnini kompyuter vositasida bosib chiqarishda 
“Times New Roman” 14 o‘lchamli shriftda Microsoft Word matn 
redaktoridan foydalanishi tavsiya qilinadi. Magistirlik dissertatsiyasi 
bo‘yicha dissertatsiyaning qo‘lyozma huquqidagi avtoreferati hajmi
8 betdan (0,5 bosma taboq) oshmasligi kerak. 
Avtoreferat bir nusxada dissertatsiyaga ilova qilinadi. Yakuniy 
Davlat Attestatsiya Komissiyasi a’zolariga, ilmiy rahbarga, kutub-
xonaga, opponentga va boshqalarga taqdim etiladi. 
Dissertatsiya avtoreferati belgilangan shakldagi muqova (7-ilova) 
hamda matn qismidan iborat bo‘ladi. Avtoreferat muqovasi, illyustratsi-
yalar, avtoreferat oxirida beriladigan e’lon qilingan ishlar ro‘yxati va 
rezyumelar umumiy hajmga kirmaydi.