Umumiy tilshunoslik faninig maqsadi

Mavzu yuzasidan savol va topshiriqlar:

1. 
   Tilshunoslikdagi asosiy yo‘nalishlar.
   
2. 
   Naturalistik yo‘nalishning paydo bo‘lishi haqida qanday ma’lumotgA EGASIZ
   
3. 
   Yosh grammatikachilar haqid ama’lumot bering
   
4. 
   Praga lingvistik maktabi
   
5. 
   Peterburg lingvistik maktabi
   
6. 
   Moskva va Qozon lingvistik maktablari
   

7-MA’RUZA
STRUKTURALIZM. DUNYO TILSHUNOSLIGIDA FERDINAND DE SOSSYURNING TUTGAN O‘RNI
Reja:

1. 
   Pragma strukturalizmi
   
2. 
   Amerika strukturalizmi
   
3. 
   Kopengagen strukturalizmi
   
4. 
   Ferdinand de Sossyur
   
5. 
   Frans Bopp, Vil-gelm fon Gumboldt, Avgust Shleyxer, Boduen de Kurtene
   
6. 
   F. de Sossyurning “Umumiy tilshunoslik kursi” asari
   
7. 
   Sossyur lisoniy talimotining muhim jihatlari
   

Tayanch tushunchalar: struktualizm, Praga strukturalizmi, Amerika strukturalizmi, Kopengagen strukturalizmi, Funksional lingvistika, norma, distribusiya, Frans Boas, funksional tilshunoslik, Loya, F.de Sossyur.
Strukturalizm – struktural lingvistika XX asrning 20 yillarining oxirrog‘ida (1926) yuzaga kelib, hozirgi zamon tilshunosligining o‘ziga xos yetakchi oqimlaridan, yo‘nalishlaridan biri bo‘lib qoldi. Ushbu tilshunoslik til strukturasini (qurilishini) til nazariyasining asosi deb bildi.
Struktural lingvistika tilni ishoralar (belgilar) sistemasi sifatida o‘rganadi va uning shartli belgilik xususiyati bilangana qiziqadi. U tildagi belgilarning munosabatlari, oppozisiyalari yoki funksiyalariga alohida e’tibor berganidan til birliklaridan biri mavjud bo‘lgani uchungina boshqasi mavjuddir deb hisoblaydi. Struktural lingvistika o‘zaro munosabatlardan mustaqil ravishdagi materiyaning yoki reallikning bo‘lishini inkor qiladi. Shunga ko‘ra lingvistik birliklar munosabatlar orqali belgilanishi lozimligini qayd etadi. Vaholanki, lingvistik birliklar birlamchi bo‘lib, ular orasidagi munosabat shu birliklar mavjud bo‘lgani uchungina mavjuddir.
Hozirgi davrda strukturalizmning asosiy maktablari uchta bo‘lib, ular Praga strukturalizmi, Amerika strukturalizmi va Kopengagen strukturalizmi nomi bilan ataladi.