Umumrivojlantiruvchi mashiqlar yordami bilan hal qilinadigan asosiy vazifalar

davomida toliqishga qarshi turish qobiliyatidir.
URMdan foydalanib, alohida tana qismlari
va umumiy chidamlilikni rivojlantirish mumkin. Mushaklarning chegaralangan miqdori 
qatnashuvchi mashqlarni imkon boricha ko'p marta bajarish orqali alohida a'zolar chidamliligi 
rivojlantiriladi (masalan, gantellarni yelkada ko'tarish, turnikda tortilish).
Mushaklarning ko'p guruhlari uzoq muddat davomida ishtirok etadigan va shunga ko'ra 
yurak-qon tomir hamda nafas olish tizimlari yuqori yuklama bilan ishlaydigan mashqlar umumiy 
chidamlilikni rivojlantiradi (masalan, turgan joyda uzoq muddat yugurish, sakrashlar va o'tirib-
turishlarni egilish yoki yotib tayanish bilan qo'shib bajarish).
Egiluvchanlik - tana qismlarining o'zaro harakatchanligi o'lchamidir. Egiluvchanlikning 
rivojlanish darajasi harakatlarning erishish mumkin bo'lgan amplitudasi kattaligini belgilaydi 
(2-chizma). Faqat kuch mashqlarini bajarish bo'g'imlar harakatchanligining chegaralanib, 
«qotib» qolishiga olib keladi. Shu sababli kuch mashqlarini egiluvchanlikni tarbiyalaydigan 
mashqlar bilan uyg'unlikda qo'llash lozim bo'ladi.

---

2 - chizma. Egiluvchanlik sifatlari uchun taxminiy aylanma mashqlar majmuasi
Faol egiluvchanlik - mushaklarning yenguvchi kuchi ishi hisobiga bo'g'imlardagi 
harakatchanlikni namoyish etish bilan
(baland ko'tarilgan oyoqlarni shu holda tutib turish, oyoqlarni baland ko'tarib tushirish va h.k.) bog'liq. 
Shunga ko'ra, faol egiluvchanlikni rivojlantirish ham harakatlar amplitudasi baland bo'lgan, shuningdek, 
bo'g'imlarning 
imkoniyat 
darajasidagi 
holatda 
«mustahkamlab 
qo'yadigan» 
mushaklarni 
mustahkamlovchi mashqlarni nazarda tutadi (baland ko'tarilgan oyoq, katta burchak va h.k.).
Sust egiluvchanlik - bo'g'imlardagi harakatchanlikni o'z tanasi yoki uning qismlarini og'irlik kuchi, 
sherik yoki yuklar ta'sirida (shpagat qilish, sherik yordamida o'tirgan holatda oyoqlarga egilish, oyoqni 
gimnastika narvoni reykasiga tiragan holda butun gavda bilan unga engashish va h.k.) namoyish etish.
Passiv egiluvchanlik faol yoki passiv harakatlarni (qo'shimcha harakatli engashish, shuning o'zi-sherik 
bilan), bo'g'imlardagi harakatchanlik namoyon bo'ladigan («ko'prik», shpagat, egilish va h.k.) turg'un 
holatlarda mushaklarni «mustahkamlab qo'yish» usullari bilan rivojlantiradi.
Bo'shashish mashqlari ham URMning bir qismini tashkil etadi. Kuch, chidamlilik, egiluvchanlikni 
rivojlantiruvchi alohida URM oralig'idagi tanaffuslar dam olish, mushaklarning beixtiyor tabiiy ravishda 
bo'shashishi bilan bog'liq.
Shug'ullanuvchilarni faol ravishda (ixtiyoriy tarzda) mushaklarni iroda kuchi bilan bo'shashtirishga 
o'rgatish shart. Shu maqsadda kontrestli harakatlar: kuchli zo'riqishlar va tez bo'shashishni galma-gal 
bajarish usulidan foydalaniladi. Bu usul yotib yoki o'tirgan holatda qo'llanilganda ayniqsa samaralidir. 
Shuningdek, bo'shashtiruvchi siltashlar, silkinish harakatlari, o'z-o'zini uqalash usullaridan ham 
foydalaniladi.