Urganch davlat universiteti servis faoliyati asoslari

- «Turmenejer» kompleksida quyidagi guruhdagi vazifalar ko‘zda tutilgan:
- turistik mahsulotlarning dasturlari va kalkulyatsiyalar hisobi va turistik mahsulotlar ma’lumotlarining bazasini kiritish (ismi sharifi, tug‘ilgan yili, manzili, telefoni, qachon dam olgan, qanday e’tirozlari va takliflari bo‘lgan, qaysi agentdan yoki tarqatuvchidan putevka sotib olgan, qachon yana dam olishni xoxlaydi);
- iste’molchilarga turistik mahsulotni sotishning reglament muolajalarini bajargan holdagi quyidagi ma’lumotlarni o‘z ichiga olgan jadvallar yig‘indisi (ma’lum kun va davr uchun) : sotishlar soni, kimga va kim tomonidan sotiladi, mehmonxonalardagi nomerlarning va transportdagi joylarning tiplari va turlari, qo‘shimcha servis xizmatlari, kelish muddatlari, subpudratchilarga xizmatlar uchun haq to‘lash bo‘yicha ma’lumotlar, hisob raqamidagi qoldiqlar va hokazolar.
- normativ-ma’lumotnoma axborotini joriy etish;
- iste’molchilar to‘g‘risida ma’lumotlar bazasini joriy etish.
Har qanday jadval yoki tekst ma’lumotlarini fayllardan foydalanuvchining xohishiga ko‘ra to‘liq hajmda yoki kerakli darajada chiqarish imkoniyatlari ko‘zda tutilgan.
5.Axborotga ishlov berish. Yangi xizmatlar yaratish
Respublikamizda hozirgi sharoitda turistik xizmatlarni muvoffaqiyatli amalga oshirish ko‘pchilik holatlarda korxonalarning axborot ta’minlanganligiga bog‘liq bo‘ladi. Bu yerda shu narsani ta’kidlash lozimki, O‘zbekistonda axborot texnologiyalarini ishlab chiqarish ko‘pincha kompyuter yordamida hujjatlarni rasmiylashtirish bo‘yicha kichik guruhlarni tuzish, kotibiyatlar hujjatlarini sistemalashtirish, kichik amaliy va tadqiqot vazifalarini yechish uchun lokal baza ma’lumotlarini yaratish kabi kichik vazifalar bilan cheklanadi.
Axborot tizimlarini rivojlantirishning kelajakdagi asosi bo‘lib, servis tashkilotlarining barcha bo‘limlari ishlarini birlashtiruvchi va axborot resurslariga kirish imkonini beradigan arxivlarni shakllantiriadigan ochiq axborot texnologiyalari hisoblanadi. Hozirgi kunda bunday axborot texnologiyalar uzoq kelajakka qoldirilmoqda. Bunga asosiy sabab sifatida shu narsa keltirilmoqdaki, boshqaruvning avtomatlashtirilgan tizimi turidagi sistemalarni ishlab chiqish sarmoyalar bilan taqqoslangan natijalarni bermaydi. Axborot bilan ishlashning bunday tamoyili Respublikamizda faoliyat yuritayotgan ko‘pchilik korxona, tashkilot va firmalarga xosdir. Bunday holat xususiy sektor vakillariga ham tegishlidir.
Lekin, shu narsa ayon bo‘lib bormoqdaki, oxirgi yillar davomida O‘zbekiston dunyo axborot bozorining teng huquqli ishtirokchisiga aylanib bormoqda va shu sababli har qanday loyihalar dunyoda ishlab chiqilgan texnologiyalarning asosiylaridan foydalanish maqsadga muvofiq vazifa bo‘lib hisoblanadi.
Hozirgi kunda texnik vositalar bozori yetarlicha to‘yingan hisoblanadi, shu sababli funksional belgilanishi, sifati, bahosi, dizayni va boshqalar bo‘yicha, turli holdagi asbob-uskunalarni tanlashning keng imkoniyatlari mavjud bo‘ladi.
O‘zbekistonda turizmni yanada sifatliroq faoliyat yuritishi, uning barcha ijtimoiy va iqtisodiy funksiyalarni amalga oshirishi, uning haqiqiy industriyaga aylanishi uchun, turistik mahsulotni ishlab chiqish va iste’molchilarga yetkazish bo‘yicha barcha bug‘inlarning o‘zaro harakatlari va faoliyatlari samaradarligini keskin ravishda oshirish zarur bo‘ladi. Ushbu maqsad quyidagi vazifalarni amalga oshirishni ko‘zda tutadi: