Қурилиш кимёси фанидан қурилиш йўналишида сиртдан ўқийдиган талабалар учун ўқув қўлланма сифатида тавсия этилади Тошкент 2018

Кимёвий формула ва кимёвий тенгламалар
Оддий ёки мураккаб моддалар таркибининг кимёвий элементларнинг белгилари орқали ифодаланиши кимёвий формула дейилади М: K₂SO₄, H₂SO₄, KMnO₄
Молекуладаги элементлар атомлари сонини кўрсатувчи рақамлар индекс дейилади.Кимёвий реакцияда модданинг неч та молекуласи иштирок этаётганини кўрсатувчи рақам коэффициент дейилади.

Кимёвий реакциялар ва уларнинг турлари

Кимёвий реакцияларнинг дастлабки ва ҳосил бўладиган моддаларнинг таркиби ва сони бўйича классификацияси .

1. 
   Ажралиш(парчаланиш)- дастлабки битта моддадан бир нечта модда ҳосил бўладиган реакция.
   

(CuOH)₂CO₃→2СuO+CO₂+H₂O
CaCO₃→СaO+CO₂
2KMnO₄→ K₂MnO₄+MnO₂+O₂
2. Бирикиш – икки ва ундан ортиқ моддалардан битта янги модда ҳосил бўладиган реакция
2H₂+O₂=2H₂O
C+O₂=CO₂
CaCO₃+CO₂+H₂O=Ca(HCO₃)₂
3. Ўрин олиш – оддий ва мураккаб моддалар орасидаги реакцияларда оддий модда атомлари мураккаб модда атомларидан бирининг ўрнинни оладиган реакция.
2AgNO₃+Cu=Cu(NO₃)₂+2Ag
2K+2H₂O=2KOH+H₂

4. 
   Алмашиниш – икки мураккаб модда ўзларининг таркибий қисмларини ўзаро алмаштириши натижасида иккита янги модда ҳосил бўладиган реакция.
   

CuSO­­₄+2NaOH=Cu(OH)₂+Na₂SO₄ AgNO₃+NaCI=AgCI+NaNO₃


Кимёнинг асосий стехиометрик қонунлари

Моддалар массасининг сақланиш қонуни

1748- 1789 й Ломоносов - Лавуазье таърифлаб берган.
Реакцияга киришаётган моддаларнинг массаси реакция натижасида ҳосил бўлган моддаларнинг массасига ҳамма вақт тенг бўлади.
Математик ифодаси: ∑_{m реак.}= ∑_{m х.б.м.}
2NaOH+CuSO₄=Cu(OH)₂+Na₂SO₄