Қурилмалар ҳамда хом-ашё, махсулотлар

Даврий ишлайдиган горизонтал адсорбернинг схемаси:
1- қобиқ; 2-адсорбент қатлами; 3-газ тақсимловчи таянч панжара; 4-газ
бериладиган патрубка; 6- буғ кирадиган патрубка; 7- буғ аралашмаси
чиқадиган патрубка; 8- пастки патрубкка; 9- люклар.
Даврий ишлайдиган горизонтал адсорбернинг схемаси расмда
берилган. Бу қурилманинг ишлаш принципи вертикал адсорбердан фарқ
қилмайди, фақат цилиндрсимон қобиқ горизонтал жойлашган.
Даврий ишлайдиган адсорберларда адсорбентнинг ютиш сиғимидан
тўла фойдаланилмайди. Десорбция жараёни ҳам ушбу адсорберларнинг
ӯзида олиб борилади. Натижада қурилмадан фойдаланиш даражаси кам
бўлади. Бу камчиликлардан узлуксиз ишлайдиган қурилмалар
ҳолидир.
Мавҳум қайнаш қатламли адсорбер

Одатда даврий адсорбция жараёни 4 та босқичда олиб

борилади:
1) адсорбциянинг ӯзи;
2) десорбция; 3) адборбентни қуритиш; 4) адсорбентни совитиш.
Бир неча (энг ками билан иккита) даврий ишлайдиган
адсорберлардан ташкил топган қурилманинг ишини узлуксиз
режимда уюштириш мумкин.
Бунда қурилмалар кетма-кет адсорбер ёки десорбер вазифасини бажаради. Бир режимдан иккинчи режимга ўтиш автоматик равишда амалга
оширилади.
Расмда мавҳум қайнаш қатламли адсорбернинг схемаси берилган. Бу қурилмада адсорбент мавҳум қайнаш ҳолатида бўлади. Қурилма цилиндрсимон қобиқ 1 дан иборат бўлиб, адсорбент узлуксиз равишда газ тақсимловчи панжара 2 устига берилиб турилади.
Газ аралашмаси маълум критик тезлик билан панжаранинг остига
берилади, сўнг адсорбент қатламидан ӯтиб уни мавҳум қайнаш ҳолатига
Адсорбция давомида тегишли компонентлар газ аралашмаси
таркибидан қаттиқ фазага ютилади.
Тозаланган газ қурилманинг юқориги қисмидаги штуцер орқали чиқиб
кетади. Адсорбентнинг ортиқчаси тушириш трубаси орқали чиқиб кетади.
Газ оқими билан қўшилиб кетаётган адсорбентнинг майда заррачалари
сепаратор 3 ёрдамида ажратилиб, қатламга қайтарилади. Ӯзида ютилувчи
модда тутган адсорбент бошқа қурилмада десорбция қилинади. Регенерация қилинган адсорбент қайта ишлатилади.
Бу хилдаги узлуксиз ишлайдиган бир камерали адсорберлар бир қатор
камчиликларга эга. Бундай қурилмада адсорбент заррачалари яхши
аралашади, бироқ уларнинг қатламда бўлиш вақтиҳар ҳар. Натижада
заррачаларнинг ютилаётган модда билан тўйиниш даражаси ҳам турлича
бўлади. Бундай камчиликлардан қутулиш учун саноатда ишлатиладиган
қурилмаларнинг кўпчилиги кўп камерали қилиб тайёрланган.
Расмда мавҳум қайнаш қатлами билан узлуксиз ишлайдиган кўп
камерали адсорбернинг схемаси берилган. Бундай қурилма цилиндрсимон
вертикал колонна 1 дан иборат бўлиб, газ тақсимлагичлар 2 ёрдамида бир неча камераларга бўлинган.
Газ аралашмаси патрубка 5 орқали колоннанинг пастки қисмига берилади ва
кетма-кет газ тақсимлагичлар ёрдамида пастки тарелкадан юқориги тарелка томон ҳаракат қилади. Адсорбент заррачалари куйилиш трубалари 3 орқали, газ оқимига қарама-қарши йўналишда, юқориги тарелкалардан пастга томон ҳаракат қилади. Адсорбент патрубка 6 орқали қурилмага берилади ва тушириш механизми 4 ёрдамида қурилмадан узлуксиз чиқариб турилади.
Тозаланган газ эса патрубка 7 ёрдамида колоннадан чиқарилади.
Бу қурилмаларда газ аралашмаси унинг кўндаланг кесим юзаси бӯйлаб
бир ҳар тақсимланади ва фазаларнинг контакт юзаси ортади. Натижада
адсорбент заррачаларининг тўйиниш даражаси ютилаётган компонентга
нисбатан бир хил ва максимал ютилиш сиғимига эга бўлади.