Ushbu bandni Siz to'ldiring!

1-KAZUS
Da’vogar Y.Y.Yepiskop javobgar O‘zbekiston Respublikasi Bosh prokuraturasi huzuridagi Majburiy ijro byurosi Nukus shahar boshqarmasiga nisbatan buyruqni bekor qilish va ishga tiklash haqidagi da’vo arizasi bilan sudga murojaat etgan.

Javobgar vakili ish yuritishni tugatish haqidagi ariza bilan sudga murojaat qiladi.

Ish sudda ko‘rilgach, quyidagi mazmunda hal qiluv qarori chiqarilgan:
QAROR QILADI:
Da’vogar Yevgeniy Yepiskop Yenayevich javobgar O‘zbekiston Respublikasi Bosh prokuraturasi huzuridagi Majburiy ijro byurosi Nukus shahar boshqarmasiga nisbatan buyruqni bekor qilish va ishga tiklash to‘g‘risidagi da’vo arizasi − qanoatlantirilsin.

Majburiy ijro byurosi Nukus shahar boshqarmasining 2019 yil 27 yanvardagi da’vogar Y.Y.Yepiskopni lavozimidan ozod qilish haqidagi 99-sonli buyrug‘i g‘ayriqonuniy deb topilsin va bekor qilinsin.

Da’vogar Yevgeniy Yepiskop Yenayevich O‘zbekiston Respublikasi Bosh prokuraturasi huzuridagi Majburiy ijro byurosi Nukus shahar bo‘limiga elektr-energiya va tabiiy gazdan foydalanish tartibini nazorat qilish sho‘basi davlat inspektori lavozimiga ishga tiklansin.