Утверждено

“ТАСДИҚЛАЙМАН”
O‘zLiDeP Сурхондарё вилоят Кенгаши раиси

________________ О. Соибназаров


2016 йил “____” январь


O‘zLiDeP Сиёсий Кенгаши Ижроия қўмитасининг 2016 йил 22 январдаги мажлиси қарорининг 1-иловасига асосан Тадбиркорлар ва ишбилармонлар ҳаракати – Ўзбекистон Либерал-демократик партияси Сурхондарё вилоят Кенгашининг 2016 йилга мўлжалланган мақсадли комплекс
ҲАРАКАТ ДАСТУРИ
Партиянинг ушбу мақсадли комплекс ҳаракат Дастури O`zLiDeP Сайловолди платформаси, “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш” Концепцияси, Ўзбекистон Республикаси Президенти И.А.Каримовнинг 2015 йил 6 февралдаги партиянинг VII Съезддаги ва Ўзбекистон Республикаси Конституциясининг 23 йиллигига ва 2015 йил якунларига бағишланган маросимдаги маърузалари асосида ишлаб чиқилган ҳамда.
Дастурнинг мақсади партия, унинг ҳамкорлари ресурслари ва имкониятларини жамиятни либераллаштириш ва демократлаштириш, мамлакатда тинчлик, фаровонлик ва демократик янгилашни таъминлаш, иқтисодиётни барқарор ривожлантириш, аҳоли турмуш даражаси ва сифатини ошириш борасидаги устувор вазифаларни ҳал этишга сафарбар этиш.
Мазкур Дастурни амалга ошириш O`zLiDePнинг мамлакатни сиёсий ва конституцион ривожлантириш бўйича ислоҳотларни янада чуқурлаштириш, вакиллик депутатлик органлари роли ва уларнинг реал имкониятларини жамият ҳаётида мустаҳкамлаш борасидаги аҳамиятини салмоқли ошириш имконини беради. Бу шунингдек, мамлакатни ижтимоий-сиёсий ва иқтисодий ривожлантириш борасидаги аниқ устувор вазифаларни белгилаш, ислоҳ қилиш ва модернизациялашнинг стратегик вазифаларини ҳал этиш, демократик жамиятнинг энг муҳим таркибий қисми бўлган сиёсий, партиялараро рақобатни кучайтиришда партия фаол иштирокини таъминлашга кўмаклашади.

№