Узбекистон алока ва ахборотлаштириш агентлиги

4.2. Сигнал полосасини ёки модулияциянинг юқори частотасини аниқлаш

Вазифада сигнал полосасини П_С ёки модулияциянинг юқори частотасининг F_Ю қиймати берилиши мумкин. Бу икки катталиклар ўзаро қуйидаги муносабатлар орқали боғланган.

• 
  амплитудаси модуляцияланган сигнал учун П_С = 2∙F_Ю ;
  
• 
  ЧМ сигнали учун П_С = 2∙F_Ю∙ (1+ ψ),
  

бу ерда ψ – частотавий модулияция индекси:
агар топшириқда ψ нинг қиймати берилмаган бўлса, у ҳолда ψ = 3,3 ҳисоблаш керак бўлади.
Сигнал спектрини тасвирлаш талаб қилинади.
4.3. Уйғунликни танлаш

Уйғунликни танлашда қуйидагиларни ҳисобга олиш керак бўлади.

- юқори ( f_г > f_с ) уйғунликда ишчи диапазонда “ҳуштакли нуқталарни” пайдо бўлиши эҳтимоллиги камаяди, бу УТ, ЎТ, ҚТ диапазонларда муҳим ҳисобланади;
- уйғунлик турини интерференцион халақитларни сўндириш эхтимоллиги таъсирининг сабабини кўрсатиш тавсия қилинади.
- пастки уйғунликда ( f_г < f_с ) юқори стабил гетеродинни бажариш мумкин бўлади, бу ЎҚТ ва f_с ≥ 20 МГц ҚТ диапазонларда муҳим ҳисобланади.
Уйғунлик танлангандан сўнг f_c сигнал частотаси, f_г гетеродин частотаси ва f_ак акс канал частотасининг ўзаро жойлашишини, шунингдек қабул қилинадиган диапазоннинг чегаравий частоталаридаги f_ак ва f_г қийматларни ҳисоблаш керак бўлади_.


4.4. Қабул қилгич трактлари бўйича частотавий бузилишлар коэффициентини тақсимлаш

Берилган частотавий бузилишлар коэффициентини ОЧ тракти (σ_n.очт) ва преселектор (радиочастота тракти) (σ_n.рчт) орасида тақсимланади.

Қуйидаги шарт бажарилиши керак:


σ_n≤ σ_n.очт σ_n.рчт

Одатда σ_n.очт> σ_n.рчт бўлади, чунки ОЧ тракти полосаси қисқароқ. Преселекторнинг частотавий бузилишлар коэффициенти УҚТ диапазонида 1,01 марттадан катта, УТ диапозонида 2,25 марттага тенг бўлади.

ОЧ тракти частотавий бузилишлар коэффициенти қуйидагига тенг бўлади:


σ_n.рчт= σ_n1 σ_n2

Бу ерда σ_n1-ОЧ тракт асосий танловчанлик тизимининг частотавий бузилишлар коэффициенти.

Одатда σ_n1=3-6 дБ=1,42-2 мартта;

σ_n1-ёрдамчи кенг полосали контурларнинг частотавий бузилишлар коэффициенти, одатда σ_n1 ≤ 1 дБ =1.122 мартта.
Қабул қилгич трактлари бўйича частотавий бузилишларни тақсимланиши биринчи босқич шартли ва кейинги босқичларда аниқлаштирилади. Лекин ҳар қандай ҳолда частотавий бузилишлар коэффициенти вазифада кўрсатилган қийматдан ортиқ бўлмаслиги керак.