Va vazifalari Oliy taʼlim

IV.Bakalavriat


19. Bakalavriat - oliy taʼlimning maʼlum bir yoʻnalishi boʻyicha fundamental va amaliy bilim beradigan, muddati kamida toʻrt yil davom etadigan tayanch oliy taʼlimdir.
Bakalavriatda oʻqish muddati ishlab chiqarishdan ajralmagan holda kamida 1 yilga uzaytiriladi.
Bakalavr dasturi tugallanganidan soʻng bitiruvchilarga davlat attestatsiyasi yakunlariga binoan kasb boʻyicha “bakalavr” akademik darajasi beriladi va davlat tomonidan tasdiqlangan namunadagi diplom ilovasi bilan tegishli koʻkrak nishoni topshiriladi.

20. 
    Bakalavr tayyorgarligining zaruriy darajasi, taʼlim dasturlari mazmuniga qoʻyiladigan umumiy talablar, oʻquv yuklamasining toʻliq hajmi, amaliy mashgʻulotlar, tayyorlash sifatining nazorat mexanizmi Oʻzbekiston Respublikasi Vazirlar Mahkamasi 16-avgust 2001-yil 343-qarori (Oʻzbekiston Respublikasi qonunlari toʻplami, 2001-yil, № 15-16, st.104) bilan tasdiqlangan “Oliy taʼlimning davlat taʼlim standartlari. Asosiy qoidalar” bilan belgilanadi.
    
21. 
    Bakalavrning kasbiy faoliyat turlari va sohalari tavsifi, kasbiy talablar, oʻquv fanlari boʻyicha talablar, taʼlim dasturlari mazmuni va tuzilishi, ularni amalga oshirish mexanizmi, tayyorlov sifati nazorati bakalavriatning aniq yoʻnilishi boʻyicha tuzilgan davlat taʼlim standarti bilan belgilanadi.
    
22. 
    Bakalavriat yoʻnalishlariga tegishli davlat taʼlim standartlari asosida oliy taʼlimni boshqarish boʻyicha vakolatli davlat idorasi tomonidan tasdiqlanadigan oʻquv rejalari va fan dasturlari ishlab chiqiladi.
    
23. 
    Bakalavriat tizimida oliy taʼlim yoʻnalishiga mos keluvchi (umumkasbiy tayyorgarlikka muvofiq) bir yoʻnalishdagi oʻrta-maxsus kasbiy maʼlumotga ega boʻlgan shaxslarning uzluksiz oʻquv rejalari asosida taʼlim dasturini tezkor va toʻliq oʻzlashtirishi imkoniyati yaratiladi.
    

24. 
    akalavr tayyorlandi:
    

muayyan yoʻnalishlar boʻyicha oliy maʼlumotli shaxslar egallashi mumkin boʻlgan lavozimlarga
bakalariat yoʻnalishiga muvofiq keluvchi tanlangan mutaxassislik boʻyicha magistraturada oliy taʼlimni davom ettirishga
qayta tayyorgarlik va malaka oshirish tizimida qoʻshimcha kasbiy taʼlim olishga.
25. Oliy taʼlim muassasasida yangi yoʻnalish boʻyicha bakalavrlarni tayyorlash huquqi belgilangan tartibda Oʻzbekiston Respublikasi Vazirlar Mahkamasi tarafidan oliy taʼlimni boshqarish boʻyicha vakolatli davlat idorasi soʻroviga koʻra beriladi.