Vaziyatga sud va huquqni muhofaza qiluvchi organlar vazifa va funksiyalaridan kelib chiqib yondashing va huqushunos sifatida huquqiy maslahat (xulosa) loyihasini yozib bering

Kazus

,,Poyabzal” fabrikasining ishlab chiqarayotgan mahsulotlar sifatsizligi ustidan prokuraturaga kelib tushgan bir nechta shikoyatlarga asosan prokuror fabrikada tekshirish o’tkazgan. Tekshirish davomida poyabzal tayyorlash uchun ishlatilayotgan mahsulot past sifatliligi aniqlangan. Holat yuzasidan prokuror taqdimnoma chiqarib, fabrika ma’muriyatini texnologik jarayonda yuqoriroq sifatga ega bo’lgan mahsulotdan foydalanish majburiyatini yukladi. Ushbu holatdan norozi bo’lgan ,,Poyabzal” fabrikasi direktori huquqshunosni chaqirtirib, undan bu borada qanday yo’l tutish, qaysi organga shikoyat qilish kerakligini so’radi.

Savol: ,,Poyabzal’’ fabrikasi direktori mazkur masala yuzasidan qaysi sud yoki huquqni muhofaza qiluvchi organga murojaat etishi mumkin?

Vaziyatga sud va huquqni muhofaza qiluvchi organlar vazifa va funksiyalaridan kelib chiqib yondashing va huqushunos sifatida huquqiy maslahat (xulosa) loyihasini yozib bering.

Avvalo, ushbu vaziyatda prokurorning masala yuzasidan kelib tushgan shikoyat bo’yicha tekshiruv o’tkazishiga e’tibor berishimiz kerak. ,,Prokuratura to’g’risida’’ gi qonunga ko’ra prokuror fuqarolar va yuridik shaxslardan kelib tushgan shikoyat, ariza va murojaatlarni ko’rib chiqish, tekshirish va qaror qa’bul qilish vakolatiga ega. Demak, prokurorning shikoyat bo’yicha korxona ustidan o’tkazgan tekshiruvi qonuniy va asosga ega.

Yuqorida aytilganidek, prokuror tekshiruv o’tkazishi davomida, haqiqattan ham, fabrika mahsulotlari sifatsizligi aniqlangan. Ushbu holatda prokuror taqdimnoma chiqargan. Qonunga ko’ra, prokuror nazorat hujjati hisoblanadigan taqdimnoma qonun buzilishi, unga imkoniyat yaratib berayotgan shart-sharoitlar aniqlanganda uni bartaraf etish vakolatiga ega bo’lgan organga yoki mansabor shaxsga kiritilishi kerak. Ushbu holatda ham qonun buzilishi holati mavjud emas, chunki prokurorning xatti-harakati qonuniy. Ushbu taqdimnoma prokurorning talabi hisoblanadi. Qonun hujjati bo’yicha, prokurorning ma’lumotlar taqdim etish, tekshirishlar o’tkazish, qonunbuzarliklar to’g’risida tushuntirishlar berish, ularga imkoniyat yaratayotgan sabab va shart-sharoitlarni bartaraf etish kabi o’z vakolatiga kiruvchi talablarini fuqarolar va yuridik shaxslar tomonidan bajarilishi majburiydir. Shundan kelib chiqib, fabrikaga prokuror tomonidan kiritilgan taqdimnoma ko’rib chiqilishi va bir oylik muddatda ko’rilgan chora-tadbirlar to’grisida yozma ravishda javob qaytarlishi lozim.

Fabrika direktori prokurorning talabidan norozi va shikoyat qilmoqchi. Qonunga ko’ra, agar prokuror nazorati ostidagi yuridik shaxs yoki fuqaroda prokurorning qarori yuzasidan norozilik bo’lsa, shaxslarda bu qaror ustidan o’zidan yuqori turuvchi prokurorga shikoyat qilish huquqi bor.

Foydalanilgan internet manbasi:

LexUz qonun hujjatlari milliy bazasi