Vi guruh kationlari Cu2+, Ni

_{VI guruh kationlari} ( Cu²⁺ , Ni²⁺ ,Co²⁺ , Cd²⁺ , Hg ₂²⁺ ) ning analitik reaksiyalari.
6.1.Kobalt kationining reaksiyalari
1.O'yuvchi ishqorlar—NaOH va KOH Co²⁺ ion bilan ko'k rangli asosli tuz cho'kmasi hosil qiladi:
Co²⁺ +C1^-+OH^-→ CoOHCl↓
Agar cho'kmaga ishqor qo'shib qizdirilsa, asosli tuz pushti rangli Co(OH)₂ ga aylanadi:
CoOHCl + OH^-→ Co(OH)₂↓ + Cl^-
Co(OH)₂ cho'kmasi havoda asta-sekin oksidlanib, qo'ng'ir rangli Co(OH)₃ ga aylanadi:
4Co(OH)₂ + O₂ + 2H₂O → 4Co(OH)₃↓
2. Ammiak eritmasi bilan kobalt ioni avval ко'к rangli asosli tuz hosil qilib cho'kadi, ammiak yoki ammoniy tuzlaridan mo'l miqdorda qo'shilsa, cho'kma sarg'ish rangli kompleks ionga aylanib erib ketadi:
CoOHCl + 7NH₄OH → [Co(NH₃)₆]²⁺ + 2OH^- + NH₄⁺ + Cl^- + 6H₂O
3. Natriy karbonat yoki boshqa ishqoriy metallarning eruvchan karbonatlari suyultirilgan kislotalar, NH₄OH va (NH₄)₂CO₃ da eriydigan pushti rangli asosli tuz - (CoOH)₂CO₃ cho'kmasi hosil qiladi, bu cho'kma havo kislorodi ta'siridan asta-sekin oksidlanib, qora-qo'ng'ir rangli Co(OH)₃ ga aylanadi:
2Co²⁺ + 3CO₃^2- + 2H₂O → (CoOH)₂CO₃↓ + 2HCO₃^-
2(CoOH)₂CO₃ + O₂ + 4H₂O → 4Co(OH)₃↓ + 2CO₂↑
5. Ammoniy rodanid — NH₄SCN, Co²⁺ ion bilan ko'k rangli (NH₄)₂[Co(SCN)] tarkibli kompleks birikmani hosil qiladi:
Co²⁺ + 4SCN^- → [Co(SCN)₄]^2-
Mazkur reaksiyani gazetaning yozuvsiz joyidan bajarish (tarkibida lignin borligi uchun) yanada yaxshi natija beradi. Buning uchun qog'oz qirqimiga oldin ammoniy rodanid, quritiladi. Qog'ozga kobalt tuzi eritmasining bir tomchisi tomizilsa, tomchi tushgan joy ko'karadi.