Vi. Treningda psixogimnastikaliq shinig’iwlardan paydalaniw

VI.Treningda psixogimnastikaliq shinig’iwlardan paydalaniw
6.1.Psixogimnastikaliq shinig’iw haqqinda tu’sinik
Psixogimnastikaliq shinig’iw usili – trening protsessinde qatnasiwshilardi aktivlestiriw,keypiyatti ko’teriw,olar arasinda o’zara isenim ortalig’in jaratiw maqsetinde psixogimnastikaliq shinig’iwlar usilin qollaw taktikasi.Trening shinig’iwlari protsessinde treninh protsesinde qollanilatug’in psixogimnastikaliq shinig’iwlardi ayirim jag’daylarda (bizin’ ortaliqta)”oyin”atamasi mene ataw yaki aljastiriw jag’daylari bolip turadi.Ma’selen,”Miyweli salat” psixogimnastkaliq shinig’iw bolsa da,oni oyin dep ataw ha’m “Ha’zir sizler menen “Miyweli salat” oyinin oynaymiz”dep mu’ra’ja’a’t qilinadi.Soni esapqa alg’an halda,psixogimnastikaliq shinig’iwlardin’ oyinnan ajiratip turatug’in ayiriqsha ta’repi-bul ha’rekettin’ bar ekenligin aytip o’tiw lazim.Trening protsessinde psixogimnastikaliq shinig’iwlardi o’tkeriwdin’ o’zine ta’n ta’repleri bar bolip,olardi biliw ha’r bir qa’nige ushin za’ru’r.
Trener psixogimnastikaliq shinig’iwlardi o‘tkeriwden aldin ha’m o’tkeriw protsessinde bul usildin’ ayirim o’zine ta’n za’ru’r ta’replerine a’lbette a’mel qiliniwi lazim.Yag’niy o’z shinig’iwinin’ na’tiyjeli boliwi qa’legen trener psixogimnastikaliq shinig’iwdi tan’law ha’m o’tkeriwden aldin to’mendegi 4 tu’rli halatti esapqa aliw kerek boladi:
Birinshi na’wbette trener psixogimnastikaliq shinig’iwdi o’tkeriw na’tiyjesinde toparda qanday halat ju’zege keliwinine itibar beriwi lazim.Buni sonday ta’riyplew mu’mkin,ha’r qanday psixogimnastikaliq shinig’iwdi o’tkeriw na’tiyjesinde toparda tiykarinan eki halat baqlanadi.
a)pu’tkil topardin’ halati o’zgeriwi;
b)topardag’i ha’r bir qatnasiwshinin’ halati o’zgeriwi.
Eger,ku’ndelik turmista gimnastika-denemizdin’ salamatlig’i ushin orinlanatug’in shinig’iwlar toplami ekenligin esapqa alsaq,ol halda psixogimnastikaliq shinig’iwlar-bizin’ psixikamizdi,yag’niy ruwxiyatimizdi salamatlastiriw ushin xizmet qiliwshi shinig’iwlar ekenligin analiz qiliw mu’mkin.Demek,psixogimnastikaliq shinig’iwlar o’tkerilgennen son’ en’ a’wele,topardag’I ha’r bir qatnasiwshinin’ halati o’zgeriwi-onin’ keypiyati ko’teriliwi,o’z mahqalalarin umitip,quwanishli halatqa o’tip aliwi,aktivlesiwi,en’ tiykarg’isi toparliq jumislarg’a tayyar bolip qaliwi baqlanadi.Bunda bolsa pu’tkil topardin’ halati da unamli ta’repke o’zgeredi,degen juwmaqqa keliw mu’mkin.
Ekinshi na’wbette,psixogimnastikaliq shinig’iwdi o’tkerip atirg’an trener topar rawajlaniwinin’ qaysi basqishinda turg’anlig’in esapqa aliwi kerek.Buni biliwdin’ a’hmiyeti sonda,topar qatnasiwshilari qanshelli birlesken bolsa,o’zin erkin sezse,o’tkerilip atirg’an shinig’iwlar qorqinishsiz,normada o’tedi ha’m trening ku’tilgen na’tiyjege erisiw an’satlasadi.A’sirese topar ag’zalarinin’ dene kontaktlarina tiyisli bolg’an ha’m ko’zin jumip orinlaytug’in shinig’iwlarg’a itibar qaratiw a’hmiyetli,bunday shinig’iwlardin’ orinsiz o’tkeriliwi toparda zorig’iw yaki naraziliq halatlarin keltirip shig’ariwi mu’mkin.
Trener esapqa aliwi za’ru’r bolg’an u’shinshi halat ku’n waqti.Ku’n baslaniwinda toparda isshen’lik,awizbirshilik,o’zara isenim ortalig’in jaratiwshi shinig’iwlardi o’tkeriw maqsetke muwapiq.Bul-topardin’ sol waqittag’i iske baylanisli bolmag’an qa’weterleniw ha’m mashqalalardi umitiwg’a alip keledi ha’m topar ag’zalari “ha’zir ha’m sol jerde”sha’rayatin sezedi.Bunnan tisqari,qatnasiwshilardin’ ha’mme diqqat-itibarin ha’m aqiliy xizmetin rawajlandiriw ushin imkan tuwiladi.Ku’nnin’ ekinshi yariminda bolsa sharshawdi tarqatatug’in,hayajonli sezim-tuyg’ulardi jumsatiwg’a alip keletug’in shinig’iwlardi o’tkeriw usinin etiledi.”Tu’ske shekem shliqqa qarsi,tu’sten keyin uyqig’a qarsi gu’resiw kerek”-bul ha’r qanday treningnin’ altin qag’iydasi boliwi kerek.
To’rtinshiden,trener psixogimnatikaliq shinig’iwdi o’tkeriwde ko’rsetpege itibar qaratiwi kerek.
Ko’rsetpe (instruktsiya).Trening protsessinde o’tkerilip atirg’an psixogimnastikaliq shinig’iwlardin’ tiykarg’i o’nimdarlig’in ta’miyinlewshi bo’legi ko’rsetpe delinedi.Shinig’iwdin’ o’nimdarlig’i ko’rsetpenin’ aniq,puxta,aydin ha’m iqsham du’zilgenligine baylanisli bolip,ol o’zinde jeterli da’rejedeza’ru’r axborotlardi sa’wlwlwndiriwi sha’rt.Trener ko’rsetpeni artiqsha mag’liwmat ha’m tu’sinikler menen toltirmawi kerek.Ol qanshelli aniq,qisqa,tu’sinikli bolsa,psixogimnastikaliq shinig’iw sonshelli o’nimli o’tedi ha’m ku’tilgen na’tiyje beredi.
Trenerdin’ ko’rsetpeni tu’sindiriw ushin sariplag’an waqti shinig’iwdi orinlawg’a ketken waqitqa qarag’anda kem waqitti alsa,bunday ko’rsetpeni o’z ornindag’I ko’rsetpe desek boladi.Trener ko’rsetpeni tu’sindiriw dawaminda ha’r bir qatnasiwshilardin’ itibarin asiriwi,diqqatin tariwi ha’m olardi jaqsi tu’siniwge alip keledi.Trener qatnasiwshilardan ko’rsetpenin’ tu’sinikli ekenligi ya’ki tu’sinikli emeslik halati bolg’anlig’in sorawi sha’rt.
Ko’rsetpe ha’mme ushin tu’sinikli bolg’anlig’i ha’m qatnasiwshilar ne islewin bilip alg’anlig’ina isenim payda qilip alg’annan keyin g’ana trener shinig’iwdi orinlatiwg’a kirisiwi mu’mkin.Eger shinig’iw orinlaw protsessinde ko’rsetpeni kimdur jaqsi tu’sinbegen bolsa,ol halda shinig’wdi toqtatiw ha’m jol qoyilg’an qa’teni du’zetiw lazim boladi.