Visual basic является мощным и достаточно многогранным языком программирования

K i r i sh

Visual Basic algoritmik tilining paydo bo‘lishi 1964-65 yillarga to‘g‘ri kelib, u yillarda birinchi navbatda Basic tili ishlab chiqilgan edi. BASIC so‘zi Beginner`s All Purpose Symbolic Instruction Code so‘zlarining bosh harflaridan tashkil topgan bo‘lib, bu so‘z boshlang‘ich ta’lim oluvchilar uchun belgili dasturlash tili ma’nosini bildiradi.

Keyinchalik GWBASIC (Grapics Workshop BASIC) va 1980 yilda Quick BASIC tili ishlab chiqildi. Bu tillar o‘sha vaqtda keng tarqalgan Pascal, S va S++ tillarining ko‘pgina imkoniyatlarini o‘z ichiga olgan dasturlash tillari deb tan olingan edi.

1992 yildan boshlab Microsoft firmasi Visual Basic for Windows tilini ishlab chiqishni boshladi. Bu til zamonaviy tillarning barcha imkoniyatlarini qamrab olgan va bevosita Windows operatsion tizimda ishlashga mo‘ljallangan edi. Windows operatsion tizimida qabul qilingan imkoniyatlar, ya’ni muloqot oynalari, menyular, ro‘yxatlar, tugmalar, bayroqchalar va boshqalardan bevosita ushbu tilda foydalanish mumkin bo‘ldi. Bundan tashqari Visual Basic da OLE texnologiyasi kiritildi va ActiveX elementlarini qo‘llab-quvvatlash joriy etildi. Bu esa, o‘z navbatida, Visual Basic tilini zamonaviy tillar qatoriga olib chiqdi va uni o‘rganib olish esa oddiyligicha qoldi.