Voyaga yetmaganlar huquqbuzarliklarini oldini olishning ijtimoiy-psixologik masalalari

Beshinchidan, bugungi kunda mamlakatimiz aholisining 45 foizini (14
mln. 692 ming 500 nafar) voyaga yetmaganlar tashkil etadi. Ya`ni, mamlakat
aholisining asosiy ko`pchiligi yoshlar, xususan voyaga yetmaganlardan iborat.
O`zbekiston Respublikasi Prezidenti Shavkat Mirziyoyev 2017-yil 30-iyunda
bo`lib o`tgan “Kamolot” yoshlar ijtimoiy harakatining IV qurultoyida yoshlarni
uyushtira olmagan “Kamolat” haqida alohida to`xtalib, butun insoniyatga putur
yetkazayotgan xavf-xatarlar haqida gapirar ekan, Oʻzbekistonda yoshlarga oid
davlat siyosati qanday amalga oshirilayotgani, bu sohada qanday muammolar
borligi, ularni qanday hal qilish kerakligi, bu borada yoshlar tashkilotining oʻrni
qanday boʻlish lozimligi, degan savollarni oʻrtaga tashladi. Mazkur sohadagi
kamchiliklarning doimiy tarzda uchrab turishi oqibatida uyushmagan, yaʼni,
ishlamaydigan, oʻqimaydigan, tayin bir mashgʻulotga ega boʻlmagan, salbiy
taʼsirlarga beriluvchi yoshlar soni ortib, yoshlar oʻrtasida jinoyat sodir etish, diniy
ekstremistik oqimlarga, terrorchi guruhlarga qoʻshilib qolish holatlari koʻpayib
borayotgani sababli 2016-yilda yoshlar ishtirokida 1 million 740 mingga yaqin
huquqbuzarlik, 23 ming 440 ta jinoyat sodir etilgani, yosh oilalar oʻrtasida 8
mingdan ortiq ajralish holati qayd etilgani barchamizni jiddiy tashvishga
solishi kerak», dedi prezidentimiz. Binobarin aytib o`tish joizki, jinoyat sodir etilgach uning sababi va aybdorini aniqlagandan ko`ra, huquqbuzarliklar profilaktikasini kuchaytirishbugungi davr talabi. Bu masalaga Yurtboshimiz ham alohida e`tibor qaratmoqda. Xususan, 2017-yil 15-noyabr kuni Prezidentimiz Shavkat Mirziyoyev
rahbarligida huquqbuzarliklar profilaktikasi va jinoyatchilikka qarshi kurashish
bo`yicha videoselektor yig`ilishi o`tkazilgan edi. Unda yurtimizda yosh avlod
ta`lim-tarbiyasiga asosiy va muhim masala sifatida qarashimiz lozimligi hamda
jinoyatchilikning oldini olish, yoshlar bandligini ta`minlash, bilib-bilmay xato
qilayotgan o`g`il-qizlarni to`g`ri yo`lga solish, ularni har tomonlama qo`llab-quvvatlash borasidagi ishlarga e`tibor yanada kuchaytirish masalalariga alohida to`xtalib o`tildi.